အလုပ္အစည္းအေ၀းေတြက ေပ်ာ္စရာမေကာင္းပါဘူး။ ဒါေပမယ့္ သင့္အေနနဲ႔ မျဖစ္မေန အစည္းအေ၀းတက္ရတဲ့အခါမွာ လုပ္ေဖာ္ကိုင္ဖက္ေတြ၊ အထက္လူႀကီးေတြနဲ႔ ေဖာက္သည္ေတြေရွ႕မွာ အထင္ႀကီးေလးစားဖြယ္ရာ ပေရာ္ဖက္ရွင္နယ္ဆန္ဆန္ ျပဳမႈေနထိုင္တတ္ဖို႔ အေရးႀကီးပါတယ္။ ဒီအတြက္ ၀န္ထမ္းတိုင္းသိထားဖို႔လိုအပ္တဲ့ အစည္းအေ၀းထံုးစံ စည္းကမ္း(၁၅)ခုကို ေဖာ္ျပလိုက္ပါတယ္။

၁။ အျခားသူေတြကို ေတြ႕ဆံုမိတ္ဆက္ပါ။

အစည္းအေ၀းမစခင္အခ်ိန္ဟာ တျခားသူေတြနဲ႔ ေတြ႕ဆံုမိတ္ဆက္ဖို႔ အခြင့္အလမ္းျဖစ္ပါတယ္။ အခန္းတြင္းက လူေတြ တစ္ေယာက္နဲ႔တစ္ေယာက္မသိၾကဘူးဆိုရင္ လိုက္ၿပီမိတ္ဆက္စကားေျပာပါ။ ရာထူးအျမင့္ဆံုးလူကေန စတင္ပါ။

၂။ တိက်ဖို႔လိုပါတယ္။

အစည္းအေ၀းမွာ ေျပာဖို႔လိုအပ္တဲ့အေၾကာင္းအရာကို လိုအပ္သေလာက္စကားလံုးသံုးၿပီး တိတိက်က်ေျပာပါ။ အေၾကာင္းအရာတစ္ခုတည္းကို ထပ္ခါထပ္ခါေျပာတာနဲ႔ မလိုအပ္တဲ့အခ်က္အလက္ေတြကို ေလွ်ာက္မေျပာမိပါေစနဲ႔။

၃။ အရင္လက္ဆြဲႏႈတ္ဆက္ပါ။

သင့္က ရာထူးျမင့္တဲ့သူ ဒါမွမဟုတ္ အစည္းအေ၀းရဲ႕ဦးေဆာင္သူျဖစ္မယ္ဆိုရင္ လက္ဆြဲႏႈတ္ဆက္ဖို႔ လက္ကို အရင္ဆံုးဆန္႔ေပးတဲ့သူျဖစ္သင့္ပါတယ္။

၄။ သင့္ကိုမိတ္ဆက္ေပးေနခ်ိန္မွာ အျမဲမတ္တပ္ရပ္ေနပါ။

မတ္တပ္ရပ္ေနတာဟာ သင့္ရဲ႕တည္ရွိမႈကို သိသာေပၚလြင္ေစပါတယ္။ သင့္ကိုမိတ္ဆက္ေပးေနခ်ိန္မွာ မတ္တပ္မရပ္ဘူးဆိုရင္ အျခားသူေတြက လစ္လ်ဴ႐ႈလိုက္ဖို႔ လြယ္ပါတယ္။

၅။ အခ်ိန္ကိုက္ေရာက္ပါေစ။

အစည္းအေ၀းခန္းထဲကို အခ်ိန္မွီေရာက္ေနဖို႔ လိုပါတယ္။ သင့္ရဲ႕အခ်ိန္မတိက်မႈေၾကာင့္ အျခားလူေတြက ေစာင့္ေနရတာမ်ိဳး မျဖစ္ေစပါနဲ႔။

၆။ သင့္ေတာ္စြာထိုင္ပါ။

အစည္းအေ၀းစားပြဲမွာရွိတဲ့ လူတိုင္းနဲ႔ အျမင့္ခ်င္းတူညီေအာင္ သင့္ရဲ႕ထိုင္ခံုကို အနိမ့္အျမင့္ထိန္းညွိပါ။ အမ်ိဳးသားပဲျဖစ္ျဖစ္ အမ်ိဳးသမီးပဲျဖစ္ျဖစ္ ေျခေထာက္ခ်ိတ္ၿပီး မထိုင္သင့္ပါဘူး။ ဘာေၾကာင့္လဲဆိုေတာ့ ဒီပံုစံဟာ အေႏွာက္အယွက္ျဖစ္စရာေကာင္းတာေၾကာင့္ပါ။

၇။ သင့္ေတာ္စြာ ၀တ္ဆင္ပါ။

၀တ္စားဆင္ယင္မႈပံုစံဟာ လူတစ္ေယာက္ရဲ႕ဂုဏ္သိကၡာကို ျမင့္တင္ေပးႏိုင္သလို အရုိအေသတန္သြားတာမ်ိဳးလည္း ျဖစ္တတ္ပါတယ္။ အစည္းအေ၀းမွာ ဘယ္၀တ္စံုမ်ိဳး၀တ္ရမလဲဆိုတာ ႀကိဳတင္စံုစမ္းၿပီး စနစ္တက်၀တ္ဆင္သြားပါ။

၈။ ခုံေနရာေပးတာမ်ိဳးမလုပ္ပါနဲ႔။

အစည္းအေ၀းခန္းထဲမွာ တစ္ေယာက္ေယာက္အတြက္ ခုံေနရာေပးတာမ်ိဳး မလုပ္ပါနဲ႔။ အခန္းတံခါးကို ဖြင့္ေပးတာမ်ိဳးေတာ့ လုပ္လို႔ရပါတယ္။

၉။ ႀကိဳတင္ျပင္ဆင္ၿပီးမွ လာပါ။

ဘာအေၾကာင္းအရာအတြက္ အစည္းအေ၀းလုပ္တယ္၊ ဘာေတြတင္ျပရမယ္ဆိုတာ သိထားၿပီးျဖစ္ပါေစ။ ေမးခြန္းေတြေမးဖို႔ အေျဖေတြေျဖဆိုဖို႔ အားလံုးကိုျပင္ဆင္လာခဲ့ပါ။

၁၀။ အစီအစဥ္ေကာင္းေကာင္းေရးဆြဲထားပါ။

တကယ္လို႔ သင္ဟာ အစည္းအေ၀းကိုစီစဥ္က်င္းပရတဲ့သူ ျဖစ္ခဲ့မယ္ဆိုရင္ ေဆြးေႏြးတဲ့အေၾကာင္းအရာကေန ေသြဖီမသြားေအာင္ ဂ႐ုစိုက္ပါ။ လမ္းေၾကာင္းလြဲသြားခဲ့မယ္ဆိုရင္လည္း ျပန္လည္တည့္မတ္ေပးႏိုင္ဖို႔ လုပ္ေဖာ္ကိုင္ဖက္တစ္ေယာက္ကို ေသခ်ာမွာထားပါ။

၁၁။ ေသခ်ာေျပာဆိုတင္ျပပါ။

သင္ဘာေျပာေနလဲဆိုတာကို အားလံုးၾကားႏိုင္ေလာက္ေအာင္ ေျပာပါ။ အစည္းအေ၀းအစမွာကတည္းက အဓိပၸါယ္ရွိတဲ့ ထင္ျမင္ခ်က္တစ္ခုကို ႀကိဳတင္ရွာေဖြတင္ျပမယ္ဆိုရင္ သင့္ကိုအျခားလူေတြ ဂ႐ုစိုက္မိမွာ ျဖစ္ပါတယ္။

၁၂။ စကားေျပာသင့္တဲ့အခ်ိန္မွာေျပာပါ။

တစ္ေယာက္ေယာက္စကားေျပာေနတဲ့အခ်ိန္မွာ စကားျဖတ္ေျပာတာဟာ မယဥ္ေက်းတဲ့အျပဳအမူျဖစ္ပါတယ္။ ဒါေပမယ့္ အစည္းအေ၀းတစ္ခုမွာဆိုရင္ေတာ့ သင္မၾကားလိုက္တာေတြအတြက္ တစ္ဖက္သူရဲ႕စကားကို ျဖတ္သင့္တဲ့ေနရာမွာ ျဖတ္ၿပီး၀င္ေျပာဖို႔လိုပါတယ္။

၁၃။ အစားအေသာက္ကို ဂ႐ုစိုက္ပါ။

မနက္စာ၊ ေန႔လည္စာ၊ ညစာ စသျဖင့္ ပါ၀င္တဲ့ အစည္းအေ၀းမဟုတ္ရင္ အစည္းအေ၀းစားပြဲမွာ ဘာမွမစားပါနဲ႔။ တစ္ခုခုစားတာဟာ အျခားသူေတြအတြက္ အေႏွာက္အယွက္ျဖစ္ေစတဲ့အသံေတြ ျမည္ေစသလို အနံ႔ေတြလည္း ထြက္လာႏိုင္ပါတယ္။ ေကာ္ဖီ ဒါမွမဟုတ္ ေရေသာက္တာကေတာ့ ျဖစ္ပါတယ္။

၁၄။ ဖုန္းကို ဂ႐ုစိုက္ပါ။

အစည္းအေ၀းလုပ္ေနတဲ့အခ်ိန္မွာ သင့္ရဲ႕ဖုန္းကို ဒီအတိုင္းစားပြဲေပၚမွာ တင္မထားပါနဲ႔။ ဖုန္းက အလင္းေရာင္းေတြ အသံေတြထြက္လာတဲ့အခါ အျခားသူေတြအတြက္ စိတ္အေႏွာက္အယွက္ ျဖစ္ရပါလိမ့္မယ္။ ဖုန္းကို အသံတိတ္စနစ္လုပ္ထားၿပီး လူမျမင္ေအာင္ထားပါ။ လိုအပ္လို႔ မျဖစ္မေနဖုန္းေျပာရမယ္ စာျပန္ပို႔ရမယ္ဆိုရင္လည္း အခန္းထဲကထြက္ၿပီး လုပ္ပါ။

၁၅။ ေမးစရာေတြအားလံုးကို ေနာက္ဆံုးမွ စုမေမးပါနဲ႔။

ေမးခ်င္တဲ့အေၾကာင္းအရာကို သင့္ေတာ္တဲ့အခ်ိန္မွာ ေမးပါ။ အစည္းအေ၀းၿပီးခါနီးအခ်ိန္မွာမွ ေမးခြန္းေတြ ေမးတာ၊ ျဖည့္စြက္တင္ျပတာေတြ မလုပ္သင့္ပါဘူး။

မိန္းခေလးတိုင္းေတာင့္တၿပီး ေယာက်ာ္းေလးတိုင္း အားက်ေစဖို႔

© Gentleman Magazine 🄶🄼

==============================================
အလုပ်အစည်းအဝေးတွေက ပျော်စရာမကောင်းပါဘူး။ ဒါပေမယ့် သင့်အနေနဲ့ မဖြစ်မနေ အစည်းအဝေးတက်ရတဲ့အခါမှာ လုပ်ဖော်ကိုင်ဖက်တွေ၊ အထက်လူကြီးတွေနဲ့ ဖောက်သည်တွေရှေ့မှာ အထင်ကြီးလေးစားဖွယ်ရာ ပရော်ဖက်ရှင်နယ်ဆန်ဆန် ပြုမှုနေထိုင်တတ်ဖို့ အရေးကြီးပါတယ်။ ဒီအတွက် ၀န်ထမ်းတိုင်းသိထားဖို့လိုအပ်တဲ့ အစည်းအဝေးထုံးစံ စည်းကမ်း(၁၅)ခုကို ဖော်ပြလိုက်ပါတယ်။

၁။ အခြားသူတွေကို တွေ့ဆုံမိတ်ဆက်ပါ။

အစည်းအဝေးမစခင်အချိန်ဟာ တခြားသူတွေနဲ့ တွေ့ဆုံမိတ်ဆက်ဖို့ အခွင့်အလမ်းဖြစ်ပါတယ်။ အခန်းတွင်းက လူတွေ တစ်ယောက်နဲ့တစ်ယောက်မသိကြဘူးဆိုရင် လိုက်ပြီမိတ်ဆက်စကားပြောပါ။ ရာထူးအမြင့်ဆုံးလူကနေ စတင်ပါ။

၂။ တိကျဖို့လိုပါတယ်။

အစည်းအဝေးမှာ ပြောဖို့လိုအပ်တဲ့အကြောင်းအရာကို လိုအပ်သလောက်စကားလုံးသုံးပြီး တိတိကျကျပြောပါ။ အကြောင်းအရာတစ်ခုတည်းကို ထပ်ခါထပ်ခါပြောတာနဲ့ မလိုအပ်တဲ့အချက်အလက်တွေကို လျှောက်မပြောမိပါစေနဲ့။

၃။ အရင်လက်ဆွဲနှုတ်ဆက်ပါ။

သင့်က ရာထူးမြင့်တဲ့သူ ဒါမှမဟုတ် အစည်းအဝေးရဲ့ဦးဆောင်သူဖြစ်မယ်ဆိုရင် လက်ဆွဲနှုတ်ဆက်ဖို့ လက်ကို အရင်ဆုံးဆန့်ပေးတဲ့သူဖြစ်သင့်ပါတယ်။

၄။ သင့်ကိုမိတ်ဆက်ပေးနေချိန်မှာ အမြဲမတ်တပ်ရပ်နေပါ။

မတ်တပ်ရပ်နေတာဟာ သင့်ရဲ့တည်ရှိမှုကို သိသာပေါ်လွင်စေပါတယ်။ သင့်ကိုမိတ်ဆက်ပေးနေချိန်မှာ မတ်တပ်မရပ်ဘူးဆိုရင် အခြားသူတွေက လစ်လျူရှုလိုက်ဖို့ လွယ်ပါတယ်။

၅။ အချိန်ကိုက်ရောက်ပါစေ။

အစည်းအဝေးခန်းထဲကို အချိန်မှီရောက်နေဖို့ လိုပါတယ်။ သင့်ရဲ့အချိန်မတိကျမှုကြောင့် အခြားလူတွေက စောင့်နေရတာမျိုး မဖြစ်စေပါနဲ့။

၆။ သင့်တော်စွာထိုင်ပါ။

အစည်းအဝေးစားပွဲမှာရှိတဲ့ လူတိုင်းနဲ့ အမြင့်ချင်းတူညီအောင် သင့်ရဲ့ထိုင်ခုံကို အနိမ့်အမြင့်ထိန်းညှိပါ။ အမျိုးသားပဲဖြစ်ဖြစ် အမျိုးသမီးပဲဖြစ်ဖြစ် ခြေထောက်ချိတ်ပြီး မထိုင်သင့်ပါဘူး။ ဘာကြောင့်လဲဆိုတော့ ဒီပုံစံဟာ အနှောက်အယှက်ဖြစ်စရာကောင်းတာကြောင့်ပါ။

၇။ သင့်တော်စွာ ၀တ်ဆင်ပါ။

၀တ်စားဆင်ယင်မှုပုံစံဟာ လူတစ်ယောက်ရဲ့ဂုဏ်သိက္ခာကို မြင့်တင်ပေးနိုင်သလို အရိုအသေတန်သွားတာမျိုးလည်း ဖြစ်တတ်ပါတယ်။ အစည်းအဝေးမှာ ဘယ်ဝတ်စုံမျိုးဝတ်ရမလဲဆိုတာ ကြိုတင်စုံစမ်းပြီး စနစ်တကျဝတ်ဆင်သွားပါ။

၈။ ခုံနေရာပေးတာမျိုးမလုပ်ပါနဲ့။

အစည်းအဝေးခန်းထဲမှာ တစ်ယောက်ယောက်အတွက် ခုံနေရာပေးတာမျိုး မလုပ်ပါနဲ့။ အခန်းတံခါးကို ဖွင့်ပေးတာမျိုးတော့ လုပ်လို့ရပါတယ်။

၉။ ကြိုတင်ပြင်ဆင်ပြီးမှ လာပါ။

ဘာအကြောင်းအရာအတွက် အစည်းအဝေးလုပ်တယ်၊ ဘာတွေတင်ပြရမယ်ဆိုတာ သိထားပြီးဖြစ်ပါစေ။ မေးခွန်းတွေမေးဖို့ အဖြေတွေဖြေဆိုဖို့ အားလုံးကိုပြင်ဆင်လာခဲ့ပါ။

၁၀။ အစီအစဉ်ကောင်းကောင်းရေးဆွဲထားပါ။

တကယ်လို့ သင်ဟာ အစည်းအဝေးကိုစီစဉ်ကျင်းပရတဲ့သူ ဖြစ်ခဲ့မယ်ဆိုရင် ဆွေးနွေးတဲ့အကြောင်းအရာကနေ သွေဖီမသွားအောင် ဂရုစိုက်ပါ။ လမ်းကြောင်းလွဲသွားခဲ့မယ်ဆိုရင်လည်း ပြန်လည်တည့်မတ်ပေးနိုင်ဖို့ လုပ်ဖော်ကိုင်ဖက်တစ်ယောက်ကို သေချာမှာထားပါ။

၁၁။ သေချာပြောဆိုတင်ပြပါ။

သင်ဘာပြောနေလဲဆိုတာကို အားလုံးကြားနိုင်လောက်အောင် ပြောပါ။ အစည်းအဝေးအစမှာကတည်းက အဓိပ္ပါယ်ရှိတဲ့ ထင်မြင်ချက်တစ်ခုကို ကြိုတင်ရှာဖွေတင်ပြမယ်ဆိုရင် သင့်ကိုအခြားလူတွေ ဂရုစိုက်မိမှာ ဖြစ်ပါတယ်။

၁၂။ စကားပြောသင့်တဲ့အချိန်မှာပြောပါ။

တစ်ယောက်ယောက်စကားပြောနေတဲ့အချိန်မှာ စကားဖြတ်ပြောတာဟာ မယဉ်ကျေးတဲ့အပြုအမူဖြစ်ပါတယ်။ ဒါပေမယ့် အစည်းအဝေးတစ်ခုမှာဆိုရင်တော့ သင်မကြားလိုက်တာတွေအတွက် တစ်ဖက်သူရဲ့စကားကို ဖြတ်သင့်တဲ့နေရာမှာ ဖြတ်ပြီးဝင်ပြောဖို့လိုပါတယ်။

၁၃။ အစားအသောက်ကို ဂရုစိုက်ပါ။

မနက်စာ၊ နေ့လည်စာ၊ ညစာ စသဖြင့် ပါ၀င်တဲ့ အစည်းအဝေးမဟုတ်ရင် အစည်းအဝေးစားပွဲမှာ ဘာမှမစားပါနဲ့။ တစ်ခုခုစားတာဟာ အခြားသူတွေအတွက် အနှောက်အယှက်ဖြစ်စေတဲ့အသံတွေ မြည်စေသလို အနံ့တွေလည်း ထွက်လာနိုင်ပါတယ်။ ကော်ဖီ ဒါမှမဟုတ် ရေသောက်တာကတော့ ဖြစ်ပါတယ်။

၁၄။ ဖုန်းကို ဂရုစိုက်ပါ။

အစည်းအဝေးလုပ်နေတဲ့အချိန်မှာ သင့်ရဲ့ဖုန်းကို ဒီအတိုင်းစားပွဲပေါ်မှာ တင်မထားပါနဲ့။ ဖုန်းက အလင်းရောင်းတွေ အသံတွေထွက်လာတဲ့အခါ အခြားသူတွေအတွက် စိတ်အနှောက်အယှက် ဖြစ်ရပါလိမ့်မယ်။ ဖုန်းကို အသံတိတ်စနစ်လုပ်ထားပြီး လူမမြင်အောင်ထားပါ။ လိုအပ်လို့ မဖြစ်မနေဖုန်းပြောရမယ် စာပြန်ပို့ရမယ်ဆိုရင်လည်း အခန်းထဲကထွက်ပြီး လုပ်ပါ။

၁၅။ မေးစရာတွေအားလုံးကို နောက်ဆုံးမှ စုမမေးပါနဲ့။

မေးချင်တဲ့အကြောင်းအရာကို သင့်တော်တဲ့အချိန်မှာ မေးပါ။ အစည်းအဝေးပြီးခါနီးအချိန်မှာမှ မေးခွန်းတွေ မေးတာ၊ ဖြည့်စွက်တင်ပြတာတွေ မလုပ်သင့်ပါဘူး။

မိန်းခလေးတိုင်းတောင့်တပြီး ယောကျာ်းလေးတိုင်း အားကျစေဖို့

© Gentleman Magazine 🄶🄼

==============================================