လစ်လျူရှုထားသင့်တဲ့ ချစ်မှုရေးရာအကြံပြုချက် (၄)ခု

လစ်လျူရှုထားသင့်တဲ့ ချစ်မှုရေးရာအကြံပြုချက် ()ခု

 

ချစ်သူစုံတွဲတွေအကြား ပြီးပြည့်စုံတဲ့ ဆက်ဆံရေးကို တည်ဆောက်နိုင်ဖို့အတွက်က လူတိုင်းရဲ့ဘ၀မှာ အရေးကြီးလှပါတယ်။ ကျွန်တော်တို့အများစုက လက်တွဲဖော်တစ်ယောက်နဲ့အတူ တည်ငြိမ်အေးချမ်း ပျော်ရွှင်စွာနဲ့ ဘ၀ကို ကုန်ဆုံးသွားချင်ကြတဲ့ ဆန္ဒရှိနေတတ်ကြပါတယ်။ ဒါဆိုရင် မေးခွန်းထုတ်စရာက တစ်ဘ၀လုံးအတွက် စစ်မှန်တဲ့လက်တွဲဖော်တစ်ယောက်ကို တွေ့ရှိဖို့က ဘာကြောင့်များ Mission Impossible တစ်ခု ဖြစ်နေရတာလဲ။ ဒီအချက်တွေကို လေ့လာကြည့်ရမှာ လွဲမှားတဲ့အယူအဆတွေ၊ လမ်းညွှန်ချက်တွေကြောင့် ဆိုတာကို သိလာခဲ့ပါတယ်။ ဒါ့ကြောင့် ရေရှည်ခိုင်မြဲတဲ့ ချစ်သူစုံတွဲဖြစ်ချင်တယ်ဆိုရင် သတိထားရှောင်ရှားရမယ့် အယူအဆတွေကို စုစည်းဖော်ပြလိုက်ပါတယ်။

၁။ မတူတာတွေက ဆွဲဆောင်မှုပိုရှိတယ်။

ဒီအချက်ကို စဉ်းစားကြည့်ကြပါစို့။ သင်က လူသူရှုပ်ထွေးတဲ့နေရာတွေကို မသွားချင်သူတစ်ယောက်ဖြစ်ပြီး ပါတီတွေ၊ ပွဲလမ်းသဘင်တွေ ကြိုက်တဲ့မိန်းကလေးတစ်ယောက်ကို ရွေးချယ်မိမယ်ဆိုရင် ဘယ်လိုဖြစ်မလဲ။ သင်ကို သဘာဝအလှအပတွေခံစားဖို့ ခရီးတွေသွားရတာ ၀ါသနာပါပေမယ့် ချစ်သူမိန်းကလေးက မြို့ပြ ယဉ်ကျေးမှုကိုပဲ နှစ်ချိုက်မယ်ဆိုရင် အဆင်ပြေနိုင်ပါ့မလား။

ဘ၀နေထိုင်မှုပုံစံနဲ့ အကြိုက်တွေ ဆန့်ကျင်ဖက်ဖြစ်နေတဲ့သူတစ်ယောက်ကို ဘ၀လက်တွဲဖော်အဖြစ် ရွေးချယ်မယ်ဆိုရင် တကယ်ကို ဒုက္ခအကြီးအကျယ်ရောက်မှာ သေချာပါတယ်။ ဒီလိုလူတစ်ယောက်နဲ့ ရေရှည်ဆက်ဆံရေးတစ်ခုကို စည်းဝါးတကျ တည်ဆောက်နိုင်မယ်လို့ရော ယုံကြည်မှုရှိပြီလား။ ဒီလို ဆက်ဆံရေးမျိုးတွေက ချစ်ခင်စွဲလမ်းမှုတွေ ကုန်ဆုံးသွားတဲ့အခါမှာ ပြဿနာတွေနဲ့ ရင်ဆိုင်ရပြီး လမ်းခွဲကြရဖို့ များပါတယ်။ ဒါ့ကြောင့် သင်နဲ့ အကြိုက်ချင်းဆင်တူသူတွေကိုပဲ ရေရှည်လက်တွဲနိုင်ဖို့ စဉ်းစားပါ။

၂။ မြင်မြင်ချင်း ချစ်မိသွားနိုင်တယ်

ဒီလိုကိစ္စမျိုးကို ရုပ်ရှင်တွေထဲမှာပဲ အဆင်ပြေပါလိမ့်မယ်။ တစ်ယောက်နဲ့ တစ်ယောက် စတွေ့တွေ့ချင်းမှာ မျက်လုံးချင်းဆုံမိပြီး ရင်တွေခုန်၊ စိတ်တွေလှုပ်ရှားပြီး ချစ်မိသွားတယ်ဆိုတာတွေကို အပြင်လောကမှာ ထင်သလောက် မဟုတ်ပါဘူး။ ရှင်းရှင်းပြောရရင် မြင်မြင်ချင်းချစ်မိသွားတယ်ဆိုတာတွေက ရေရှည်မှာ အလုပ်မဖြစ်ပါဘူး။ တစ်ယောက်ယောက်နဲ့တွေ့ဆုံတဲ့အချိန်မှာ ဖြစ်ပေါ်လာတဲ့ ခံစားချက်တွေ၊ ခန္ဓာကိုယ်တွင်း ဇီဝဓာတုဖြစ်စဉ်တွေကို လက်ခံပါတယ်။ ဒါပေမယ့် ချစ်သူစုံတွဲဆက်ဆံရေးတစ်ခု စတင်တည်ဆောက်ချိန်မှာ တစ်ဖက်သူမှာ ကိုယ့်တန်ဖိုးထား လက်ခံတဲ့အချက်တွေရှိမရှိဆိုတာကို ဆန်းစစ်ဖို့လိုပါသေးတယ်။

၃။ တတိယအကြိမ်ချိန်းတွေ့ချိန်မှာ အတူနေပါ။

ဒီကိစ္စက ပြောရခက်ပါတယ်။ မြန်မာ့ယဉ်ကျေးမှုကို ထည့်မစဉ်းစားပဲ အနောက်တိုင်းအစဉ်အလာတွေ အတိုင်းပြောရမယ်ဆိုရင်တော့ ဘယ်အချိန်မှာ ချစ်တင်းနှောရမယ်ဆိုတာက သတ်မှတ်ချက်မရှိပါဘူး။ တစ်ချို့တွေအတွက် ပထမအကြိမ်မှာပဲ အဆင်ပြေတတ်ကြပါတယ်။ ဒါပေမယ့် အတူနေတဲ့အဆင့်ထိရောက်ဖို့ကတော့ ခင်မင်ရင်းနှီးမှု၊ အပြန်အလှန်လေးစားမှု၊ ယုံကြည်မှု စတာတွေပေါ်မှာ အခြေခံပြီးတော့မှ ရှေ့တိုးတာအကောင်းဆုံးပါပဲ။

၎။ နောက်တစ်ယောက်ထားလိုက်ဖို့။

ယောင်္ကျားလေးတစ်ယောက်က ချစ်သူနဲ့အဆင်မပြေဖြစ်ပြီး လမ်းခွဲပြတ်ဆဲပြီဆိုရင် နောက်တစ်ယောက် ထပ်ထားလိုက်ဖို့ အများစုက အကြံပေးတတ်ကြပါတယ်။ ချစ်မှုရေးရာကိစ္စတွေမှာ ကျရှုံးတာက ဘ၀တစ်ခုလုံးကို ပြောင်းလဲသွားစေဖို့ အခွင့်အလမ်းဖြစ်ပါတယ်။ ဒီအချိန်မှာ ကိုယ့်ကိုယ်ကို ဘာဖြစ်ချင်တာလဲ ပြန်ဆန်းစစ်နိုင်ပြီး ရည်ရွယ်ထားတာတွေကို အကောင်းဆုံးလုပ်ဆောင်နိုင်ပါတယ်။ ဘာကြောင့် နောက်တစ်ယောက် ထပ်ရှာပြီးအချိန်ကုန်ခံနေမှာပါလဲ။ ဖူးစာဆုံရင် ကြုံလာဖို့က သေချာပါတယ်။

%d bloggers like this: