[sg_popup id=”6″ event=”onload”][/sg_popup]ယုံကြည်အားကိုးထိုက်တဲ့ ပုဂ္ဂိုဟ်တစ်ယောက်လား

(Zawgyi)

ယနေ့ခေတ်မှာ လူတွေတစ်ယောက်နဲ့တစ်ယောက် အပြန်အလှန်တန်ဖိုးထားကြတဲ့အရာတစ်ခုက ယုံကြည်အားထားမှုပဲ ဖြစ်ပါတယ်။ သင့်ရဲ့မိဘ၊ ချစ်သူရည်းစား၊ အလုပ်ရှင် စတဲ့ဘယ်သူကပဲဖြစ်ဖြစ် သင့်အပေါ်မှာ ယုံကြည်အားကိုးထိုက်တဲ့ အရည်အချင်းမျိုှးရှိသင့်ပါတယ်။ ဒီတော့ သင်ကရော ယုံကြည်အားကိုးထိုက်တဲ့ ပုဂ္ဂိုဟ်တစ်ယောက် ဟုတ်ရဲ့လား။ ယုံကြည်အားကိုးထိုက်တဲ့ ပုဂ္ဂိုဟ်တစ်ယောက်ဖြစ်အောင် ဘယ်လိုပြုမူနေထိုင်မလဲ။

၁။ အချိန်တိကျပါ။
လူတစ်ယောက်ကို ယုံကြည်အားကိုးထိုက်မထိုက်ကို ဆုံးဖြတ်တဲ့ အချက်တွေထဲက အရေးကြီးဆုံးအချက်ကတော့ အချိန်ကို ဘယ်လိုအသုံးချလဲဆိုတာပါပဲ။ သင်က ဘာပဲလုပ်လုပ် အမြဲတမ်းနောက်ကျတတ်တယ်၊ အချိန်မမှန်ဘူးဆိုရင် ဘယ်သူကမှ ယုံကြည်စိတ်ချမှာ မဟုတ်ပါဘူး။ ဒါ့ကြောင့် အလုပ်မှာပဲဖြစ်ဖြစ်၊ အပြင်မှာပဲဖြစ်ဖြစ် ဘယ်တော့မှ နောက်မကျပါစေနဲ့။ အချိန်တိကျပါ။

၂။ အမြဲအာရုံစူးစိုက်ပါ။
အနှောက်အယှက်ဖြစ်စရာတွေ များလွန်းလှတဲ့ခေတ်ကာလမှ ကိုယ့်ရည်မှန်းချက်ပန်းတိုင်ကိုပဲ အာရုံစိုက်နေနိုင်တဲ့သူက အလေးထားသင့်တဲ့သူပါပဲ။ ဒီကိစ္စက ပြောတော့သာလွယ်တာပါ။ တကယ် အာရုံစိုက်နေနိုင်ဖို့က သင့်ရဲ့အချိန်ကို ကျွမ်းကျင်ပိုင်နိုင်စွာ အသုံးချနိုင်ဖို့ လိုပါတယ်။ စိတ်တည်ငြိမ်မှုစွမ်းအား ရှိဖို့လည်း လိုအပ်ပြီး ဘာကိုပဲလုပ်လုပ် ထိန်းချုပ်မှုမလွတ်သွားအောင် လုပ်ဆောင်နိုင်တဲ့ အရည်အချင်းရှိဖို့ လိုပါတယ်။

၃။ စကားပြောတတ်ဖို့ လိုပါတယ်။
ယုံကြည်အားကိုးထိုက်တာက ကောင်းပါတယ်။ ဒါပေမယ့် ယုံကြည်အားကိုထိုက်တာကို လူတွေသိသာရင် ပိုကောင်းပါတယ်။ ဒီလိုဖြစ်ဖို့အတွက် လုပ်ဆောင်ရမှာ အခြားသူတွေ မသိတဲ့အကြောင်းအရာတွေကို အခိုင်အမာ ပြောဆိုနိုင်ဖို့လိုပါတယ်။ သင်စကားပြောတဲ့အခါမှာ အာရုံစိုက်ခံရဖို့ ဘာဘာညာညာလျှောက်ပြောနေတာမျိုး မဟုတ်ပဲ ပြောတဲ့အကြောင်းအရာကို ပိုင်ပိုင်နိုင်နိုင်နဲ့ ယုံကြည်မှုရှိရှိ ပြောနိုင်ဖို့ လိုပါတယ်။

၎။ ဦးဆောင်ရပ်တည်ပါ။
လူတွေရဲ့ ယုံကြည်အားကိုးမှုကို ခံယူနိုင်ဖို့အတွက် သင်ရွေးချယ်ထားတဲ့လမ်းကြောင်းတစ်ခုကို သင်ကိုယ်တိုင် လျှောက်လှမ်းဖို့ အဆင်သင့်ဖြစ်နေပြီး စိန်ခေါ်မှုတွေကို ရင်ဆိုင်နိုင်ဖို့ ပြင်ဆင်ထားရမှာ ဖြစ်ပါတယ်။ ကမ္ဘာကျော် ခေါင်းဆောင်တစ်ဦးဖြစ်တဲ့ မဟတ္တမဂန္ဓီကို အိန္ဒိယနိုင်ငံသားသန်းပေါင်းများစွာက ယုံကြည်အားထားခဲ့ကြတာ ဘာကြောင့်လဲဆိုရင် ဂန္ဓီဟာ သူ့ယုံကြည်ချက်အတိုင်း ရပ်တည်ပြီး သူ့ဖောက်တဲ့လမ်းကြမ်းကို သူကိုယ်တိုင် ဦးဆောင်လျှောက်လှမ်းခဲ့လို့ ဖြစ်ပါတယ်။ ဒီနေ့ခေတ် နိုင်ငံရေးသမားတွေကတော့ အပြောတစ်မျိုး အလုပ်တစ်မျိုး ဖြစ်တာတွေကြောင့် ပြည်သူတွေက အပြည့်အ၀မယုံကြည်နိုင်ကြတာ ဖြစ်ပါတယ်။

၅။ တာဝန်ယူတတ်ပါစေ။
ယုံကြည်အားကိုးထိုက်တဲ့ ပုဂ္ဂိုဟ်တစ်ယောက်ဟာ တာဝန်ယူမှုရှိဖို့ လိုပါတယ်။ ဘာအလုပ်ကိုပဲ ဖြစ်ဖြစ် တာဝန်ယူမှု၊ တာဝန်ခံမှုရှိခြင်းဟာ ယုံကြည်အားကိုးထိုက်တဲ့ လက္ခဏာတစ်ခုဖြစ်ပါတယ်။ အခွင့်အရေးကို လက်လွတ်မခံပါနဲ့။ လုပ်စရာရှိတာကို တာဝန်အပြည့်အ၀ယူပြီး လုပ်ဆောင်ပါ။ ဆင်ခြေပေးတာတွေ၊ ဟိုလူ့လွှဲချ ဒီလူ့လွှဲချတာတွေ မလုပ်ပါနဲ့။

မိန်းကလေးတိုင်း တောင့်တပြီး ယောင်္ကျားလေးတိုင်း အားကျစေမည့်
Gentleman Magazine

+++++++++++++++++++++++++++++++