ေျပာသမွ်စကား တည္ႏိုင္ေစဖို႔….

[sg_popup id=”6″ event=”onload”][/sg_popup]ေျပာသမွ်စကား တည္ႏိုင္ေစဖို႔….

[showhide type=”links” more_text=“>>>Unicode<<<“ less_text=”Hide Unicode “]

ပြောသမျှစကား တည်နိုင်စေဖို့….

လူတွေက စကားတွေ အများကြီးပြောကြပါတယ်။ ပြောတဲ့အတိုင်း မဖြစ်တာကလည်း များပါတယ်။ လေးစားယုံကြည်ထိုက်တဲ့ ပုဂ္ဂိုဟ်နဲ့ အခြားသူတွေကို အဓိကကွဲပြားခြားနားသွားစေတဲ့အချက်က ပြောသမျှစကားကို တာဝန်ယူနိုင်ခြင်းပဲဖြစ်ပါတယ်။ နှုတ်ကြောင့်သေ၊ လက်ကြောင့်ကြေဆိုသလိုပါပဲ သင်ပါးစပ်က ထွက်လာတဲ့စကားတစ်လုံးစီတိုင်းအတွက် သင့်မှာတာဝန်ရှိပါတယ်။ လေးစားမှု၊ ဂုဏ်ပြုမှု၊ ယုံကြည်ကိုးစားမှု စတဲ့အရည်အသွေးတွေက လူတိုင်းမှာ ရှိနိုင်တာမျိုးမဟုတ်ပါဘူး။ ဒီလိုအရည်အသွေးတွေကို ပိုင်ဆိုင်ချင်တယ်ဆိုရင်တော့ ပြောတဲ့စကားကို ဆင်ခြင်နိုင်ရမှာဖြစ်ပါတယ်။ ပြောတဲ့အတိုင်း တည်တံ့အောင်၊ ဖြစ်မြောက်အောင် လုပ်နိုင်ဖို့လည်း လိုပါတယ်။

ဝေ့ဝိုက်မနေပဲ လိုရင်းကိုပြောပါ။
ပြောစရာရှိတဲ့စကားကို တိုက်ရိုက်မပြောပဲ ဝေ့ဝိုက်နေတဲ့သူမျိုးကို ဘယ်သူမှသဘောမကျပါဘူး။ တစ်ခုခုမေးလိုက်ရင် လိုရင်းကိုပဲ ဖြေပါ။ တစ်ခါတစ်လေမှာ ဟုတ်တယ် မဟုတ်ဘူးလောက်ဖြေရင်ကို လုံလောက်တဲ့မေးခွန်းတွေရှိပါတယ်။ လိုရင်းကိုပြောတာ၊ လိုရင်းကိုပဲဖြေဆိုတာက သင်ဘာလုပ်နိုင်တယ်၊ ဘာကိုမလုပ်နိုင်ဘူးဆိုတာကို သိသာပေါ်လွင်စေပါတယ်။ လုပ်စရာရှိတဲ့အရာကို ပြီးဆုံးတဲ့အထိ ဘာအကြောင်းပြချက်မှမပေးပဲလုပ်လိုက်ပါ။ စကားလုံးတွေနဲ့ တန်ဆာဆင်ပြီး ဆင်ခြေမပေးပါနဲ့။ မလုပ်နိုင်ဘူးဆိုရင်လည်း မလုပ်နိုင်တဲ့အကြောင်း ပွင့်ပွင့်လင်းလင်းဝန်ခံငြင်းဆိုပါ။ လုပ်တတ်ချင်ယောင်ဆောင်ပြီး မနေပါနဲ့။

လုပ်နိုင်တာကို လုပ်ပါ။
သင့်ကို လုပ်ငန်းတာဝန်တစ်ခုခု လုပ်ဆောင်ဖို့ ညွှန်ကြားခံရပြီဆိုရင် သင့်မှာလုပ်ဆောင်နိုင်တဲ့အရည်အချင်းရှိတယ်လို့ ထင်မြင်ယူဆကြလို့ဖြစ်ပါတယ်။ ဒီအခွင့်အရေးကို လက်လွှတ်မခံပါနဲ့။ သင့်ရဲ့အားသာချက်တွေကို သိထားပြီး အခွင့်အရေးရတုန်းမှာ ကိုယ့်ကိုယ်ကိုယ် စိန်ခေါ်ဖို့ သတ္တိရှိနေပါစေ။ နောက်တစ်ခုက သင့်အပေါ်လူတွေ မျှော်လင့်ထားတဲ့ မျှော်လင့်ချက်တွေနဲ့ ကိုက်ညီအောင် လုပ်ဆောင်ပြပါ။

အမှန်အတိုင်းပဲ ရပ်တည်ပါ။
လိုရင်းမရောက်ပဲ ဝေ့ဝိုက်နေတတ်သူထက်ဆိုးတာကတော့ အလုပ်တာဝန်မပြီးမြောက်တဲ့အပေါ်မှာ တာဝန်ယူဖို့ ငြင်းဆန်တာပဲဖြစ်ပါတယ်။ သင် အချိန်ဆွဲပြီး လုပ်စရာရှိတကို မလုပ်မိခဲ့တဲ့အတွက် အချိန်မှီမပြီးမြောက်တဲ့ အလုပ်တစ်ခုအတွက် စိတ်ထဲပေါ်လာတဲ့ဆင်ခြေဆင်လက်တွေ လျှောက်ပြောနေမယ့်အစား အမှန်အတိုင်းပဲ ရပ်တည်ပါ။ အမှားကိုဝန်ခံပါ။ တောင်းပန်ပါ။ နောက်တစ်ခါ ပြောတဲ့အတိုင်းဖြစ်အောင် လုပ်ပါ။

ယုံကြည်တတ်ဖို့ သင်ယူပါ
အခြားလူတစ်ယောက်ယောက်ရဲ့ ဖြစ်နိုင်ချေကို သံသယရှိနေရင်တောင် ဘယ်တော့မှ ထုတ်မပြောပါနဲ့။ တကယ်လို့များ တစ်စုံတစ်ယောက်က အလုပ်တစ်ခုကို နောက်တစ်နေ့မနက်မှာ အပြီးလုပ်ပေးမယ်လို့ ပြောလာခဲ့မယ်ဆိုရင် သင့်အနေနဲ့ သူ့ကို မကြာခဏသွားသတိပေးနေဖို့ မလိုပါဘူး။ သူကတိပေးထားရင် သူဖြစ်အောင်လုပ်ပါလိမ့်မယ်။ သင့်စကားကို အခြားသူတွေယုံကြည်လက်ခံစေချင်ရင် သူတို့ကို ယုံကြည်ဖို့လည်း ရင်တမမဖြစ်မနေပါနဲ့။ ဒါပေမယ့် သင်ယုံကြည်ထားတဲ့အတိုင်း ဖြစ်မလာခဲ့ဘူးဆိုရင်တော့ နောက်တစ်ခါ အလုပ်လွှဲပြောင်းပေးတော့မယ်ဆိုရင် စဉ်းစားဖို့ လိုနေပါပြီ။

သင့်အနေနဲ့ ယုံကြည်လေးစားမှုကို လမ်းဘေးမှာ ဆေးလိပ်ဝယ်သလို အလွယ်တကူမရနိုင်ပါဘူး။ ဒါ့ကြောင့် သင်ပြောတဲ့စကားကို ချင့်ချိန်ပါ။ လုပ်နိုင်တာကို ပြောပါ။ ပြောတဲ့အတိုင်းလဲ ဖြစ်အောင်လုပ်ပါ။

မိန်းကလေးတိုင်း တောင့်တပြီး ယောင်္ကျားလေးတိုင်း အားကျစေမည့်
Gentleman Magazine

[/showhide]

လူေတြက စကားေတြ အမ်ားႀကီးေျပာၾကပါတယ္။ ေျပာတဲ့အတိုင္း မျဖစ္တာကလည္း မ်ားပါတယ္။ ေလးစားယုံၾကည္ထိုက္တဲ့ ပုဂၢိဳဟ္နဲ႔ အျခားသူေတြကို အဓိကကြဲျပားျခားနားသြားေစတဲ့အခ်က္က ေျပာသမွ်စကားကို တာ၀န္ယူႏိုင္ျခင္းပဲျဖစ္ပါတယ္။ ႏႈတ္ေၾကာင့္ေသ၊ လက္ေၾကာင့္ေၾကဆိုသလိုပါပဲ သင္ပါးစပ္က ထြက္လာတဲ့စကားတစ္လံုးစီတိုင္းအတြက္ သင့္မွာတာ၀န္ရွိပါတယ္။ ေလးစားမႈ၊ ဂုဏ္ျပဳမႈ၊ ယုံၾကည္ကိုးစားမႈ စတဲ့အရည္အေသြးေတြက လူတိုင္းမွာ ရွိႏိုင္တာမ်ိဳးမဟုတ္ပါဘူး။ ဒီလိုအရည္အေသြးေတြကို ပိုင္ဆိုင္ခ်င္တယ္ဆိုရင္ေတာ့ ေျပာတဲ့စကားကို ဆင္ျခင္ႏိုင္ရမွာျဖစ္ပါတယ္။ ေျပာတဲ့အတိုင္း တည္တံ့ေအာင္၊ ျဖစ္ေျမာက္ေအာင္ လုပ္ႏိုင္ဖို႔လည္း လိုပါတယ္။

ေ၀့၀ိုက္မေနပဲ လိုရင္းကိုေျပာပါ။
ေျပာစရာရွိတဲ့စကားကို တိုက္႐ိုက္မေျပာပဲ ေ၀့၀ိုက္ေနတဲ့သူမ်ိဳးကို ဘယ္သူမွသေဘာမက်ပါဘူး။ တစ္ခုခုေမးလိုက္ရင္ လိုရင္းကိုပဲ ေျဖပါ။ တစ္ခါတစ္ေလမွာ ဟုတ္တယ္ မဟုတ္ဘူးေလာက္ေျဖရင္ကို လံုေလာက္တဲ့ေမးခြန္းေတြရွိပါတယ္။ လိုရင္းကိုေျပာတာ၊ လိုရင္းကိုပဲေျဖဆိုတာက သင္ဘာလုပ္ႏိုင္တယ္၊ ဘာကိုမလုပ္ႏိုင္ဘူးဆိုတာကို သိသာေပၚလြင္ေစပါတယ္။ လုပ္စရာရွိတဲ့အရာကို ၿပီးဆံုးတဲ့အထိ ဘာအေၾကာင္းျပခ်က္မွမေပးပဲလုပ္လိုက္ပါ။ စကားလံုးေတြနဲ႔ တန္ဆာဆင္ၿပီး ဆင္ေျခမေပးပါနဲ႔။ မလုပ္ႏိုင္ဘူးဆိုရင္လည္း မလုပ္ႏိုင္တဲ့အေၾကာင္း ပြင့္ပြင့္လင္းလင္း၀န္ခံျငင္းဆိုပါ။ လုပ္တတ္ခ်င္ေယာင္ေဆာင္ၿပီး မေနပါနဲ႔။

လုပ္ႏိုင္တာကို လုပ္ပါ။
သင့္ကို လုပ္ငန္းတာ၀န္တစ္ခုခု လုပ္ေဆာင္ဖို႔ ညႊန္ၾကားခံရၿပီဆိုရင္ သင့္မွာလုပ္ေဆာင္ႏိုင္တဲ့အရည္အခ်င္းရွိတယ္လို႔ ထင္ျမင္ယူဆၾကလို႔ျဖစ္ပါတယ္။ ဒီအခြင့္အေရးကို လက္လႊတ္မခံပါနဲ႔။ သင့္ရဲ႕အားသာခ်က္ေတြကို သိထားၿပီး အခြင့္အေရးရတုန္းမွာ ကိုယ့္ကိုယ္ကိုယ္ စိန္ေခၚဖို႔ သတိၱရွိေနပါေစ။ ေနာက္တစ္ခုက သင့္အေပၚလူေတြ ေမွ်ာ္လင့္ထားတဲ့ ေမွ်ာ္လင့္ခ်က္ေတြနဲ႔ ကိုက္ညီေအာင္ လုပ္ေဆာင္ျပပါ။

အမွန္အတိုင္းပဲ ရပ္တည္ပါ။
လိုရင္းမေရာက္ပဲ ေ၀့၀ိုက္ေနတတ္သူထက္ဆိုးတာကေတာ့ အလုပ္တာ၀န္မၿပီးေျမာက္တဲ့အေပၚမွာ တာ၀န္ယူဖို႔ ျငင္းဆန္တာပဲျဖစ္ပါတယ္။ သင္ အခ်ိန္ဆြဲၿပီး လုပ္စရာရွိတကို မလုပ္မိခဲ့တဲ့အတြက္ အခ်ိန္မွီမၿပီးေျမာက္တဲ့ အလုပ္တစ္ခုအတြက္ စိတ္ထဲေပၚလာတဲ့ဆင္ေျခဆင္လက္ေတြ ေလွ်ာက္ေျပာေနမယ့္အစား အမွန္အတိုင္းပဲ ရပ္တည္ပါ။ အမွားကို၀န္ခံပါ။ ေတာင္းပန္ပါ။ ေနာက္တစ္ခါ ေျပာတဲ့အတိုင္းျဖစ္ေအာင္ လုပ္ပါ။

ယုံၾကည္တတ္ဖို႔ သင္ယူပါ
အျခားလူတစ္ေယာက္ေယာက္ရဲ႕ ျဖစ္ႏိုင္ေခ်ကို သံသယရွိေနရင္ေတာင္ ဘယ္ေတာ့မွ ထုတ္မေျပာပါနဲ႔။ တကယ္လို႔မ်ား တစ္စံုတစ္ေယာက္က အလုပ္တစ္ခုကို ေနာက္တစ္ေန႔မနက္မွာ အၿပီးလုပ္ေပးမယ္လို႔ ေျပာလာခဲ့မယ္ဆိုရင္ သင့္အေနနဲ႔ သူ႔ကို မၾကာခဏသြားသတိေပးေနဖို႔ မလိုပါဘူး။ သူကတိေပးထားရင္ သူျဖစ္ေအာင္လုပ္ပါလိမ့္မယ္။ သင့္စကားကို အျခားသူေတြယုံၾကည္လက္ခံေစခ်င္ရင္ သူတို႔ကို ယုံၾကည္ဖို႔လည္း ရင္တမမျဖစ္မေနပါနဲ႔။ ဒါေပမယ့္ သင္ယုံၾကည္ထားတဲ့အတိုင္း ျဖစ္မလာခဲ့ဘူးဆိုရင္ေတာ့ ေနာက္တစ္ခါ အလုပ္လႊဲေျပာင္းေပးေတာ့မယ္ဆိုရင္ စဥ္းစားဖို႔ လိုေနပါၿပီ။

သင့္အေနနဲ႔ ယုံၾကည္ေလးစားမႈကို လမ္းေဘးမွာ ေဆးလိပ္၀ယ္သလို အလြယ္တကူမရႏိုင္ပါဘူး။ ဒါ့ေၾကာင့္ သင္ေျပာတဲ့စကားကို ခ်င့္ခ်ိန္ပါ။ လုပ္ႏိုင္တာကို ေျပာပါ။ ေျပာတဲ့အတိုင္းလဲ ျဖစ္ေအာင္လုပ္ပါ။

မိန္းကေလးတိုင္း ေတာင့္တၿပီး ေယာကၤ်ားေလးတိုင္း အားက်ေစမည့္
Gentleman Magazine

++++++++++++++++++++++++++++++++++++++++