အနာဂတ်အအောင်မြင်မှုအတွက် ဘ၀အတွေ့အကြုံများ

လူတိုင်းမှာ ပြန်ပြောပြစရာ ထူးထူးခြားခြားအကြောင်းအရာတွေ ကိုယ်စီကိုယ်ငှရှိတတ်ကြပါတယ်။ ကျွန်တော်တို့ တစ်ယောက်ချင်းစီတိုင်းမှာ ကျွန်တော်တို့ရဲ့လက်ရှိဘ၀ကို ပုံဖော်ပေးနိုင်တဲ့ အတွေ့အကြုံတွေ အနည်းအများဆိုသလို ရှိကြမှာပါ။ ဒီလို မတူကွဲပြားမှုတွေကနေ အခြားသူတစ်ယောက်ရဲ့အတွေ့အကြုံတွေကို လေ့လာပြီးသင်ယူနိုင်မယ်ဆိုရင် ကိုယ်ပိုင်ဘ၀အတွက် သင်ခန်းစာတွေကိုရရှိနိုင်ပြီး ဘ၀အောင်မြင်ရေးအတွက် အထောက်အကူဖြစ်စေမှာပါ။ အနာဂတ်အောင်မြင်မှုအတွက် အသုံးဝင်မယ့် သိထားသင့်တဲ့ ဘ၀အတွေ့အကြုံ (၂၃)ခုရှိပါတယ်။

၁။ အပြီးသတ်လုပ်ဆောင်နိုင်တဲ့ သာမန်စိတ်ကူးတစ်ခုက မပြီးစီးနိုင်တဲ့အကြံကောင်း (၁၀)ခုထက်သာပါတယ်။

ဉာဏ်ရည်ဉာဏ်သွေးထက်မြက်ပေမယ့် လက်တွေ့မပါပဲ စိတ်ကူးယဉ်နေတတ်သူတွေနဲ့ နှိုင်းယှဉ်ရင် တစ်ခုခုကို ပြီးစီးအောင်မြင်အောင် လုပ်တတ်သူတွေက ပိုပြီးတော့ အောင်မြင်တတ်ကြပါတယ်။ ဆိုလိုချင်တာက စိတ်ကူးတစ်ခုရှိရင် ဖြစ်မြောက်အောင် အကောင်အထည်ဖော်ရမှာ ဖြစ်ပါတယ်။ ဘ၀အောင်မြင်ရေးကို ဖြစ်နိုင်ချေအလားအလာနဲ့ တိုင်းတာလို့မရပါဘူး။ လုပ်ဆောင်ချက်နဲ့ပဲ တိုင်းတာလို့ရပါတယ်။ သင့်မှာ အရမ်းကောင်းတဲ့ စိတ်ကူး နှစ်ခု၊ သုံးခုမကလို့ (၁၀)ခုပဲ ရှိရှိ၊ အကောင်အထည်ပေါ်အောင်လုပ်ဆောင်နိုင်ခြင်း မရှိဘူးဆိုရင် သာမန်စိတ်ကူးလေးပဲရှိပေမယ့် လက်တွေ့လုပ်ဖြစ်တဲ့သူတွေက သင့်ကိုကျော်ဖြတ်အောင်မြင်သွားမှာ ဖြစ်ပါတယ်။ အောင်မြင်တဲ့သူတွေက ဘယ်ကိစ္စမဆို ပြီးမြောက်အောင် လုပ်ဆောင်တတ်ကြပါတယ်။ ဒါ့ကြောင့် စိတ်ကူးတစ်ခုရပြီဆိုတာနဲ့ ဘယ်လိုစိတ်ကူးမျိုးပဲ ဖြစ်နေပါစေ ပြီးမြောက်အောင် လုပ်ဆောင်ပါ။

၂။ သေရေးရှင်ရေး အခက်အခဲတွေနဲ့ ရင်ဆိုင်ကြုံတွေ့ရမယ်ဆိုရင် ကူညီနိုင်မယ်သူကို ရှာဖွေပါ။

ဒီလို အကူအညီရှာဖွေတာက အားနည်းတာမဟုတ်ပါဘူး။ အရည်အချင်းရှိတာဖြစ်ပါတယ်။ သင့်ရဲ့မာန်မာနတွေကို မျိုသိပ်ထားပါ။ ဘ၀မျာ အခက်အခဲမျိုးစုံရှိပါတယ်။ ဘယ်အချိန်မှာ ဘာတွေဖြစ်လာနိုင်မလဲဆိုတာကို ကျွန်တော်တို့အားလုံး မသိနိုင်ပါဘူး။ ကိုယ်တိုင် မစွမ်းဆောင်နိုင်တဲ့အရေးကိစ္စတွေအတွက် အကူအညီရှာဖို့ငြင်းဆန်နေတာက ရဲရင့်တာမဟုတ်ပါဘူး။ မျှော်လင့်မထားတဲ့ ထူးခြားကိစ္စတွေကို မဖြေရှင်းနိုင်တဲ့အခါမှာ ကျွန်တော်တို့အားလုံး စိတ်ပင်ပန်းပြီး ဒေါသဖြစ်လာကြပြီး တလွဲတချော်အလေ့အကျင့်တွေ ရလာတတ်ပါတယ်။ ဒါ့ကြောင့် လိုအပ်လာရင် အကူအညီတောင်းခံတတ်ဖို့ လိုပါတယ်။

၃။ သုံးနိုင်ဖြုန်းနိုင်တာက လက်ရှိအချိန်မှာ အထင်ကြီးစရာဖြစ်ပေမယ့် နောင်တစ်ချိန်မှာ ဒုက္ခဖြစ်စေပါတယ်။

ချမ်းသာကြွယ်ဝတယ်လို့ အထင်ခံရဖို့ ကြိုးစားရင်း မွဲမသွားပါစေနဲ့။ သင့်ရဲ့ဘဏ်အပ်ငွေစာရင်းထဲမှာ ကားတစ်စီးဝယ်လို့ရရုံ၊ တိုက်ခန်းတစ်ခန်းဝယ်နိုင်ရုံလောက် ငွေရှိပြီဆိုတာနဲ့ အသုံးစရိတ်အားလုံးကို အဆင်ပြေနိုင်မယ်လို့ မထင်ပါနဲ့။ အကောင်းဆုံးနည်းလမ်းက ရှာနိုင်သလောက်ပဲ သုံးတာဖြစ်ပါတယ်။ တကယ်ဆိုရင် ရှာနိုင်တာထက် ပိုလျှော့ပြီးသုံးသင့်တာ ဖြစ်ပါတယ်။ အရေးပေါ်သုံးစွဲဖို့ ငွေကြေးကို သီးသန့်စုထားပါ။ အရေးပေါ်စုငွေစုဆောင်းချိန် ခြောက်လပြည့်ပြီဆိုရင် ရင်းနှီးမြုပ်နှံမှုလုပ်ဆောင်ဖို့အတွက် နောက်ထပ်ငွေစာရင်းသစ်တစ်ခုနဲ့ ထပ်စုဆောင်းပါ။ သင့်ရရှိတဲ့ငွေကြေးကို အကောင်းစားပစ္စည်းတွေ ၀ယ်သုံးတာ၊ ဈေးကြီးပေးရတဲ့ စားသောက်ဖွယ်ရာတွေ စားသုံးပြီး သုံးနိုင်ဖြုန်းနိုင်ပုံစံဖမ်းတာက မိုက်မဲတာပဲ ဖြစ်ပါတယ်။

၎။ စိတ်အားထက်သန်မှုကို လေ့ကျင့်ပျိုးထောင်ပါ။

သင့်ကို စောင့်ကြိုနေမယ့် အကောင်းဆုံးအလုပ်အကိုင်၊ အခွင့်အရေးဆိုတာ မရှိပါဘူး။ စိတ်အားထက်သန်မှုကို ပျိုးထောင်တတ်ပြီဆိုရင် ဘာအလုပ်ပဲဖြစ်ဖြစ် ထူးခြားတဲ့သဘောတရားတွေကို တွေ့ရှိလာမှာပါ။ သင့်ရဲ့ စိတ်အားထက်သန်မှုကို ရှာဖွေတယ်ဆိုတာက တစ်ခုခုမှာ အာရုံစိုက်နိုင်အောင် ကြိုးစားတာပဲပြီး လုပ်ဆောင်ရခြင်းရဲ့ ရည်ရွယ်ချက်နဲ့ ပျော်ရွှင်မှုကို ရရှိလာတာပဲဖြစ်ပါတယ်။ သင့်ဘ၀အတွက် တစ်ခုခုကို မဖြစ်မနေ လုပ်တော့မယ်လို့ ဆုံးဖြတ်လိုက်ပြီဆိုတာနဲ့ စိတ်အားထက်သန်မှုကို ရရှိလာမှာပါ။

၅။ မိသားစုနဲ့ အဆင်ပြေငြိမ်းချမ်းအောင် နေထိုင်ပါ။

လူတစ်ချို့မှာ မိသားစုနဲ့ပတ်သက်ပြီး မကျေနပ်စရာအတိတ်တွေ ရှိတတ်ကြပါတယ်။ ဒီလို မိသားစုဝင်တွေက ဒုက္ခပေးတာကို ငြိမ်ခံနေဖို့ ဆိုလိုတာမဟုတ်ပါဘူး။ အဓိကဆိုလိုချင်တာက ကျွန်တော်တို့အားလုံး တစ်နေရာရာကနေ လာခဲ့ကြပါတယ်။ ကိုယ်ပိုင်ဘ၀ကို ရွေးချယ်ခဲ့ကြပါတယ်။ ဒါ့ကြောင့် အတိတ်မှာ ဘယ်လိုမကျေနပ်စရာတွေပဲ ရှိနေပါစေ၊ ကျွန်တော်တို့လာခဲ့တဲ့နေရာနဲ့ ငြိမ်းချမ်းသင့်မြတ်နေဖို့ အရေးကြီးပါတယ်။ ဒါမှ ကျွန်တော်တို့အားလုံး ရှေ့ကိုဆက်လှမ်းနိုင်မှာ ဖြစ်ပါတယ်။

၆။ သင် ဘယ်ကိုသွားသွား ပြဿနာတွေ၊ လူမှုရေးကိစ္စတွေနဲ့ အခက်အခဲတွေက လိုက်လာမှာဖြစ်ပါတယ်။

စိတ်ပျက်စရာကောင်းတဲ့ဘ၀နဲ့ ဝေးရာကို ဘယ်လောက်ပဲပြေးပြေး၊ ပြဿာနာတွေ၊ အခက်အခဲတွေက လိုက်လာမှာ ဖြစ်ပါတယ်။ သူတို့ကို ရင်ဆိုင်မဖြေရှင်းသ၍ လိုက်နေမှာပါ။ သင့်အနေနဲ့ ပြဿနာတွေနဲ့ ဝေးရာကို ထွက်သွားပြီး အားလုံးအေးဆေးဖြစ်သွားပြီလို့ ထင်ချင်ထင်မိမှာပါ။ ဒါပေမယ့် တချိန်ချိန်မှာ ဒီလိုလူတွေနဲ့ ဒီလိုအလားတူအခြေအနေတွေ ပြန်ကြုံတွေ့ရမှာပဲဖြစ်ပါတယ်။ ဒါ့ကြောင့် ကိုယ့်စိတ်ကို ပြင်ဆင်ရုံသာမက အမြင်တွေကို ပြောင်းလဲပြီး အားလုံးကို ရင်ဆိုင်ဖြေရှင်းနိုင်ဖို့ လိုပါတယ်။

၇။ အလွယ်တကူရတဲ့ ငွေကြေးက ဖြေရှင်းရခက်တဲ့ ပြဿနာတွေ သယ်ဆောင်လာတတ်တယ်။

ငွေကြေးများလေလေ ပြဿနာများလေလေပါပဲ။ ခိုးယူတာ၊ အလွဲသုံးစားလုပ်တာ စသဖြင့် မမှန်ကန်တဲ့နည်းလမ်းတွေက ရတဲ့ဝင်ငွေမှာ ပြန်လည်ပေးဆပ်ရမယ့် တန်ရာတန်ကြေးရှိတယ်ဆိုတာကို သတိပြုပါ။

 ၈။ သင့်ဘ၀ကို စိတ်ပျက်စရာဖြစ်သွားအောင် လုပ်နိုင်သူတွေကို သတိထားပါ။

သင့်ရဲ့ဘ၀က ဘာမှသုံးစားလို့မရတဲ့ စိတ်ပျက်စရာတစ်ခုအဖြစ် ယုံကြည်သွားအောင် လုပ်နိုင်တဲ့ လူတွေအများကြီးရှိပါတယ်။ ဒီလိုလူတွေနဲ့တွေ့ရင် ပြုံးပြပြီးတော့ နှုတ်ဆက်ပါ။ ဒါပေမယ့် သူတို့ပြောတာတွေထဲက ဘယ်အရာတွေက သင့်အတွက် မှန်ကန်တယ်၊ ဘယ်အရာတွေက မှားယွင်းနေတယ်ဆိုတာကို နားလည်သိတတ်ဖို့တော့ လိုပါတယ်။

၉။ သင်လေးစားတဲ့ ပုဂ္ဂိုဟ်တွေလို ဖြစ်လာနိုင်တယ်။

သင် အထင်ကြီးလေးစားတဲ့ ပုဂ္ဂိုဟ်တွေလိုမျိုး ဖြစ်မလာဘူးဆိုရင်တောင်မှ သင့်ရဲ့ဦးနှောက်က အလေ့အကျင့်အသစ်တွေနဲ့ သတင်းအချက်အလက်အသစ်တွေကို ကွဲပြားခြားနားတဲ့ အမြင်နဲ့ မြင်တတ်လာမှာ ဖြစ်ပါတယ်။ သင့်ရဲ့အလေ့အကျင့်နဲ့ အပြုအမူတွေက သင့်ရဲ့လက်တွေ့ဘ၀ကို ပုံဖော်ပေးနိုင်လာမှာ ဖြစ်ပါတယ်။

၁၀။ နေ့ချင်းညချင်းအောင်မြင်မှုဆိုတာက နှစ်ရှည်လာများဆုံးဖြတ်ချက်နဲ့ အလေ့အကျင့်တွေက ဖြစ်လာတယ်။

ရှင်းလင်းပြတ်သားတဲ့ အာရုံစူးစိုက်မှုရှိပြီး အလုပ်ကြိုးစားမယ်ဆိုရင် အချိန်ကစကားပြောလာပါလိမ့်မယ်။ လမ်းကြောင်းမှန်ကို လျှောက်လှမ်းနေဖို့တော့ အရေးကြီးပါတယ်။ ဒါ့အပြင် အောင်မြင်ဖို့အတွက် အချိန်ဘယ်လောက်ကြာမလဲဆိုတာက ခန့်မှန်းရခက်ပါတယ်။ သင့်လိုချင်တာ မရမချင်း အလုပ်က ပြီးမှာမဟုတ်ပါဘူး။

၁၁။ မသေမချင်း နောက်ကျသွားတယ်ဆိုတာ မရှိပါဘူး။

သင့်ရဲ့စိတ်ကူးအိပ်မက်တွေမှာ သက်တမ်းကုန်ဆုံးရက်ဆိုတာ မရှိပါဘူး။ သင့်ထက် ဆိုးတဲ့အခြေအနေတွေ၊ အခွင့်အလမ်းတွေကနေ ရုန်းထွက်အောင်မြင်လာခဲ့သူတွေ အများကြီးရှိပါတယ်။ ဒီလိုလုပ်နိုင်ကြတာဟာ ဘယ်အခြေအနေပဲရောက်ရောက် သူတို့ရဲ့အိပ်မက်တွေကို မစွန့်လွှတ်လိုက်ပဲ လက်တွေ့ဖြစ်လာအောင် ကြိုးစားနေကြလို့ပဲ ဖြစ်ပါတယ်။

၁၂။ စိတ်ဖိစီးမှု၊ စိတ်အားထက်သန်မှုမရှိခြင်းနဲ့ စိတ်ခံစားမှုမကောင်းတာတွေက ရုပ်ပိုင်းဆိုင်ရာ ထိခိုက်မှုတွေ ဖြစ်စေနိုင်ပါတယ်။

စိတ်ပိုင်းဆိုင်ရာ ၀န်ထုပ်ဝန်ပိုးတွေက သင့်ရဲ့ရုပ်ပိုင်းဆိုင်ရာကိုပါ ထိခိုက်လာနိုင်ပါတယ်။ ယောဂလေ့ကျင့်ပါ။ လေ့ကျင့်ခန်းတွေလုပ်ပါ။ သင်သဘောကျတဲ့လူတွေနဲ့ မိတ်ဆွေဖွဲ့ပြီး စကားပြောပါ။ သင့်ရဲ့ စိတ်ဖိစီးမှုတွေ၊ အငြိုးအတေးတွေနဲ့ ၀မ်းနမည်းမှုတွေကို ဖြေရှင်းနိုင်မယ့် နည်းလမ်းတွေကို ရှာဖွေလိုက်နာပါ။

၁၃။ စဉ်းစားနေရုံနဲ့ ဘာလုပ်ရမလဲမသိနိုင်ပါဘူး။ တကယ်လုပ်မှ သိနိုင်မှာပါ။

သင့်ကို အခက်ကြုံစေခဲ့တဲ့ ခံယူချက်တွေ၊ နည်းလမ်းတွေနဲ့ သင့်ဘ၀ကို ပြောင်းလဲနိုင်မှာမဟုတ်ပါဘူး။ ဒီအတွက် တစ်ခုတည်းသော အဖြေက နည်းလမ်းသစ်တွေကို လေ့လာသင်ယူဖို့ပါ။ ဒါပေမယ့် တကယ်လုပ်ဖြစ်ဖို့တော့ လိုပါတယ်။ စာအုပ်တွေဖတ်ပါ။ ဟောပြောပွဲတွေ သွားတက်ပါ။ ပြီးရင် လက်တွေ့အသုံးချနိုင်အောင် လုပ်ဆောင်ပါ။ ဒီလိုမှမဟုတ်ရင် ဘာမှပြောင်းလဲလာမှာ မဟုတ်ပါဘူး။

၁၄။ ဘ၀ဆိုတာက စမ်းသပ်မှုတွေ အမှားတွေနဲ့ ဖြစ်စဉ်တစ်ခုဖြစ်ပါတယ်။ သင်ကြိုးစားကြည့်ဖို့ နှောင့်နှေးနေတာနဲ့ အမျှ ပျော်ရွှင်မှုတွေနဲ့ အလှမ်းဝေးနေမှာဖြစ်ပါတယ်။

အဆင်သင့်ဖြစ်တဲ့အထိ စောင့်မနေပါနဲ့၊ ပြီးပြည့်စုံတဲ့အချိန်ဆိုတာ မရှိပါဘူး။ ပြီးတော့ လုပ်စရာရှိတာ လုပ်နေသ၍ သင်လိုချင်တဲ့ အောင်မြင်မှုနဲ့ နီးသထက်နီးလာမှာပါ။ သင့်အတွက် လိုအပ်တာတစ်ခုက ကျရှုံးမှာကို စိုးရိမ်မနေဖို့ပဲ ဖြစ်ပါတယ်။ ကျရှုံးသွားမှသာ အမှားတွေက သင်ခန်းစာယူပြီး ပိုပြီးမှန်ကန်လာအောင် လုပ်နိုင်မှာ ဖြစ်ပါတယ်။

၁၅။ လုပ်ချင်စိတ်မရှိဘူးဆိုရင်တောင် လုပ်ဖို့လိုပါတယ်။

သင့်အနေနဲ့ အချိန်တိုင်းမှာ စိတ်အားတက်ကြွနေမှာမဟုတ်ပါဘူး။ ရည်မှန်းထားတဲ့အတိုင်းဖြစ်မလာတဲ့အခါမှာ သင်လုပ်စရာရှိတာတွေကို မလုပ်ချင်ဘူးဆိုတာမျိုး ဖြစ်လာနိုင်ပါတယ်။ ဒီလိုဖြစ်လာတဲ့အခါမှာ သင်ဘာကြောင့် လုပ်နေရတာလဲဆိုတာကို ပြန်စဉ်းစားပါ။ သင့်ကိုယ်သင် အားပေးပါ။ ဒီလိုမှ မလုပ်ချင်သေးဘူးဆိုရင်လည်း လုပ်စရာရှိတာကို ထလုပ်ပါ။ ဘာပဲဖြစ်ဖြစ် အာရုံစိုက်ပြီး လုပ်ပါ။

၁၆။ အလေ့အကျင့်တွေကို ပြောင်းလဲလိုက်ဖို့ လိုပါတယ်။

သင့်ရဲ့ မကောင်းတဲ့အလေ့အကျင့်တွေကို အခြားအလေ့အကျင့်တွေနဲ့ အစားထိုးပြောင်းလဲဖို့ လိုပါတယ်။ ဥပမာပြောရရင် စိတ်ညစ်လာတိုင်း အစားများများစားတတ်တဲ့အလေ့အကျင့်ရှိတယ်ဆိုကြပါစို့။ နောက်တစ်ခါ စိတ်ညစ်လာပြီဆိုရင် အစားတစ်ခုခုစားမယ့်အစား ()မိုင်လောက် အပြေးလေ့ကျင့်လိုက်ပါ။ ကြားရတာ ထူးခြားနေပါလိမ့်မယ်။ ဒါပေမယ့် မကောင်းတဲ့အလေ့အကျင့်တွေကို ဖျောက်ဖျက်ပစ်လိုက်မှာ သင့်ကိုယ်သင် ပြောင်းလဲနိုင်မှာ ဖြစ်ပါတယ်။

၁၇။ ပြောင်းလဲစရာရှိတာတွေကို ထိန်းချုပ်နိုင်တုန်း ပြောင်းလဲပါ။

ဘ၀ဆိုတာက မဖြစ်မနေဖြတ်သန်းရမယ့်အရာတစ်ခုပါ။ ပြောင်းလဲသင့်တာတွေကို ပြောင်းလဲပြီး ဘ၀မှာကြုံတွေ့လာတဲ့ အခက်အခဲတွေကို မဖြေရှင်းဘူးဆိုရင် ပြဿနာက ထိန်းချုပ်လို့မရနိုင်တဲ့အထိ ကြီးမားလာနိုင်ပါတယ်။ ဒါ့ောကာင့် ပြောင်းလဲသင့်တာတွေကို အချိန်မှီပြောင်းလဲတတ်ဖို့ လိုပါတယ်။

၁၈။ သင် အာရုံစိုက်ထားတာကို သင်ရရှိမယ်။

အမြဲတမ်း ညည်းတွားပြီး မြည်တွန်တောက်တီးနေရုံနဲ့ သင်လိုချင်တဲ့ ဖြေရှင်းချက်ကို ရရှိမှာမဟုတ်ပါဘူး။ ဒီလိုလုပ်နေလို့ အခက်အခဲတွေထဲမှာ ပိုပြီးနစ်မျောသွားဖို့ပဲ ရှိပါတယ်။ ဒါ့ကြောင့် လိုချင်တာ၊ ဖြစ်ချင်တာတွေပေါ်မှာ အာရုံစိုက်ထားပြီး စိတ်ထဲမှာအမြဲထည့်ထားမယ်ဆိုရင် ဖြေရှင်းချက်ကို အလွယ်တကူတွေ့နိုင်မှာ ဖြစ်သလို အခက်အခဲတွေကို ကျော်လွှားနိုင်မယ့် နည်းလမ်းတွေကိုလည်း လျှောက်လှမ်းသွားနိုင်မှာ ဖြစ်ပါတယ်။

၁၉။ အပေါင်းအသင်းကောင်းတွေ ရှိပါစေ။

မိတ်ဆွေအပေါင်းအသင်းတွေကို အရေးကြီးပါတယ်။ သင်တတ်နိုင်သမျှ သူငယ်ချင်းကောင်းတွေ ရှိနေပါစေ။ သင်နဲ့အတူ အချိန်ဖြုန်းတဲ့ အပေါင်းအသင်းတွေအတိုင်း သင်ကဖြစ်လာမှာပါ။

၂၀။ လူတွေက အံ့သြစရာကောင်းတယ်။

သင့်အတွက် သိပ်အရေးမပါဘူးလို့ ထင်ရတဲ့သူတွေက အကောင်းဆုံးသစ္စာရှိ သူငယ်ချင်းတွေဖြစ်လာနိုင်သလို အကောင်းဆုံးလို့ ထင်တဲ့သူတွေကလည်း သင့်ကိုနာကျင်စေနိုင်ပါတယ်။ ဘာပဲဖြစ်ဖြစ် အရှိအတိုင်းလက်ခံပါ။ လူသစ်တွေနဲ့ တွေ့ဆုံပါ။ သင့်ရဲ့လျို့ဝှက်ချက်တွေကိုတော့ မသိပါစေနဲ့။ လိုအပ်တဲ့အတိုင်းအတာအထိပဲ ဝေမျှပါ။

၂၁။ အရေးပေါ်ရန်ပုံငွေ ထားရှိပါ။

သင့်ဝင်ငွေစုစုပေါင်းရဲ့ အနည်းဆုံး(၁၀)ရာခိုင်နှုန်းကနေ (၃၀)ရာခိုင်နှုန်းလောက်ကို စုဆောင်ပါ။ ရင်းနှီးမြုပ်နှံဖို့ ဖယ်ထားပါ။ ဒီလိုငွေစုဆောင်းဖို့ နောက်ကျတယ်ဆိုတာ မရှိပါဘူး။ အတိုင်းအတာတစ်ခုအထိ စုဆောင်းပြီးရင် ငွေကြေးကို စီမံခန့်ခွဲတတ်ဖို့ သင်ယူပါ။

၂၂။ ဘ၀ဆိုတာ သင်ဖန်တီးတဲအတိုင်း ဖြစ်လာတာပါ။

သင့်ဘ၀ကို အခြားတစ်ယောက်က ဖန်တီးပေးလို့ မရနိုင်ပါဘူး။ လေ့လာပါ။ ဖွံ့ဖြိုးတိုးတက်လာပါစေ၊ စူးစမ်းရှာဖွေဖော်ထုတ်ပါ။ ဘာပဲလုပ်လုပ် ရလဒ်တစ်ခုခုရအောင် လုပ်ပါ။

၂၃။ အဆင်သင့်မဖြစ်ခင်မှာ စတင်ပါ။

ဒီအချက်က သင့်ရဲ့စိတ်ကူးအိပ်မက်တွေကို လက်တွေ့ဖြစ်လာစေဖို့ အရေးအကြီးဆုံးပဲ ဖြစ်ပါတယ်။[sg_popup id=”6″ event=”onload”][/sg_popup]