အနေဝေးပေမယ့် သွေးအေးမသွားစေဖို့[sg_popup id=”6″ event=”onload”][/sg_popup]

အချစ်ဆိုတဲ့အရာက ပြောင်းလဲတတ်တဲ့သဘောရှိပါတယ်။ အထူးသဖြင့် တစ်နေရာဆီဝေးကွာနေရင် သွေးအေးသွားတတ်ကြပါတယ်။ ဒါ့ကြောင့် အကြောင်းအမျိုးမျိုးနဲ့ အနေဝေးတဲ့ချစ်သူတွေ Long distance Relationship ဖြစ်နေသူတွေအတွက် အချစ်မီးလျံလေး ဆက်လက်တောက်လောင်နေစေမယ့် နည်းလမ်းကောင်းလေးတွေ ဝေမျှပေးချင်ပါတယ်။

နှလုံးသားချင်း နီးပါစေ
ချစ်သူနှစ်ဦးကြား ဘယ်လောက်ပဲ အနေဝေးပါစေ နှလုံးသားချင်း နီးနေဖို့လိုပါတယ်။ အနေဝေးတဲ့အချိန်မှာ ပတ်ဝန်းကျင်က ရင်ခုန်စရာတွေကြောင့် စိတ်လှုပ်ရှားမိတိုင်းမှာ သင့်မှာ ပိုင်ရှင်ရှိပြီးသားဆိုတာကို ပြန်သတိပေးပါ။ အဝေးတစ်နေရာမှာ ကိုယ်ချစ်ရတဲ့သူရှိနေသေးတယ် ဆိုတဲ့အသိနဲ့ ကိုယ့်ကိုယ်ကိုယ် ထိန်းချုပ်ပါ။

အဆက်အသွယ်မပြတ်ပါစေနဲ့
လူချင်းမတွေ့ရပေမယ့် အခြားနည်းလမ်းတွေနဲ့ အဆက်အသွယ်ရှိနေရမှာ ဖြစ်ပါတယ်။ အခုခေတ်မှာ ဒီကိစ္စက အရမ်းလွယ်ပါတယ်။ ရှေးနည်းလမ်းအတိုင်း စာတွေပဲပို့ဦးမလား သင့်ချစ်သူကို တစ်မျိုးတမည် ရင်ခုန်ကြည်နူးစေနိုင်ပါတယ်။ ဖုန်းဆက်ပါ။ အီးမေးလ်ပို့ပါ။ Message တွေ၊ Chatting တွေ၊ Video Call တွေ ခေါ်ဆိုပါ။ လူကိုယ်တိုင်မရောက်နိုင်ပေမယ့် နှစ်ဦးစလုံးနဲ့ဆိုင်တဲ့ အထူးနေ့ရက်တွေမှာပဲဖြစ်ဖြစ်၊ ချစ်သူအတွက် ထူးခြားနေ့ရက်တွေမှာပဲဖြစ်ဖြစ် တံခါးဝကို ပန်းစည်းရောက်အောင် ပို့ပေးလို့လည်း ရပါသေးတယ်။

အပေါင်းအသင်းတွေနဲ့ အချိန်ဖြုန်းပါ
အနေဝေးတဲ့အခါမှာ သင့်ချစ်သူ ဘာလုပ်နေမလဲ၊ ဘယ်သူနဲ့တွေ့နေမလဲ၊ ဘယ်တွေများသွားနေမလဲ ဆိုတာကို အချိန်ရတိုင်း တွေးနေမိပါသလား။ သူမလည်း စိတ်ဝင်စားစရာကောင်းတဲ့ သူငယ်ချင်းမိတ်ဆွေသစ်တွေနဲ့ တွေ့ပြီး ပျော်ရွှင်စရာအချိန်တွေကို ဖြတ်သန်းနေမှာပေါ့။ ဒါကို တစ်ယောက်တည်း မနာလိုစိတ်တွေ၊ သ၀န်တိုစိတ်တွေ မွေးထားပြီး ပြဿနာရှာနေမယ့်အစား ကိုယ်တိုင်လည်း သူငယ်ချင်းအဟောင်းတွေ၊ အသစ်တွေနဲ့ တွေ့ဆုံပါ။ ၀ါသနာပါတာတွေကို လုပ်ဆောင်ပါ။ ဒီလိုနည်းလမ်းနဲ့ ကောင်မလေးဘာလုပ်နေမလဲ ထိုင်ပြီး စိတ်ပူနေရမယ့်အချိန်တွေကို ဖြတ်သန်းပါ။

တတ်နိုင်သမျှ တွေ့ဆုံပါ
အခြေအနေအရ ခပ်ဝေးဝေးနေရပေမယ့် အခွင့်အရေးရတာနဲ့ တွေ့ဆုံဖို့ ကြိုးစားရမှာ ဖြစ်ပါတယ်။ တွေ့ဆုံတဲ့အချိန်မှာလည်း ဘာခံစားချက်ကိုမှ ဟန်ဆောင်ဖုန်းကွယ်မနေပါနဲ့။

မိန်းကလေးတိုင်း တောင့်တပြီး ယောင်္ကျားလေးတိုင်း အားကျစေမည့်
Gentleman Magazine

++++++++++++++++++++++++++++++++++++++++++++++++++++++++++++++++