မနက်ခင်းမှာ မလုပ်သင့်တဲ့ အရာ (၉)ခု[sg_popup id=6]

နေ့တစ်နေ့ရဲ့ မနက်ခင်းဟာ တစ်နေ့တာလုံးအတွက် အရေးအကြီးဆုံးအချိန်ဖြစ်ပါတယ်။ တကယ်အလုပ်ပြီးမြောက်အောင်မြင်တဲ့နေ့တစ်နေ့ဖြစ်ဖို့ မနက်ခင်းမှာ ဘာတွေလုပ်လဲဆိုတာပေါ်မှာ မူတည်ပါတယ်။ သင့်မနက်ခင်းကို အကောင်းဆုံးဖြတ်သန်းပြီး ပြီးပြည့်စုံတဲ့တစ်နေ့တာဖြစ်စေဖို့အတွက် မနက်ခင်းမှာ မလုပ်သင့်တဲ့အရာတွေကို ဖော်ပြလိုက်ပါတယ်။

၁။ နှိုးစက်တွေ အများကြီးပေးထားတာ
လူအများစုက မနက်အိပ်ရာထရမယ့်အချိန်ကို ၆း၄၀၊ ၆း၅၀၊ ၇း၀၀၊ ၇း၁၅ စသဖြင့် နှိုးစက်အချိန်တွေ အများကြီးပေးတတ်ကြပါတယ်။ ဒီလိုပေးထားပြီး ပထမနှစ်ခု မြည်လာရင် ပိတ်ပြီးပြန်အိပ်ပါတယ်။ တတိတတစ်ခုမှာ နိုးပါတယ်။ စတုတ္ထတစ်ခုကျ အိပ်ရာထဲက ထွက်ပါတယ်။ ဒီလိုအကျင့်ရှိရင် ပြင်ဖို့လိုပါတယ်။ အောင်မြင်သူတိုင်းက နှိုးစက်တစ်ခါမြည်တာနဲ့ အိပ်ရာကထပြီး သူတို့ရဲ့နေ့ကို အကောင်းဆုံးဖြတ်သန်းဖို့ ပြင်ဆင်နေကြပါပြီ။

၂။ တီဗီ ကို ဖွင့်လိုက်တာ
အိပ်ရာကထပြီးတာနဲ့ တီဗီကို ဖွင့်လိုက်ပြီဆိုရင် သွားပါပြီ။ သင့်ရဲ့မနက်ခင်းမှာ လုပ်စရာရှိတာတွေအတွက် အချိန်တွေကို ဖြုန်းတီးမိတော့မှာပါ။ ဒါ့ကြောင့် တီဗီဖွင့်ကြည့်ပြီး အနှောက်အယှက်အ၀င်ခံမယ့်အစား တစ်နေ့တာအတွက် လုပ်စရာရှိတာတွေကို လုပ်ဖို့ အားထည့်လိုက်ပါ။

၃။ အရေးမပါတဲ့ဆုံးဖြတ်ချက်တွေကို အချိန်ပေးတာ
အောင်မြင်သူတွေက အရေးမပါတဲ့ကိစ္စအသေးအမွှားလေးတွေအတွက် အချိန်ကုန်မခံတတ်ကြပါဘူး။ ဥပမာ နေ့လည်စာ ဘာစားရင်ကောင်းမလဲ၊ ဒီနေ့မနက်အလုပ်သွားရင် ဘာဝတ်သွားမလဲစသဖြင့် အများကြီးတွေးနေလေ့ မရှိပါဘူး။ Apple ရဲ့ CEO ဟောင်း Steve Jobs ကို ကြည့်လိုက်တိုင်း ဂျင်းဘောင်းဘီနဲ့ အင်္ကျီအနက်နဲ့ပဲ တွေ့ရတာအကြောင်းရှိပါတယ်။ ဒီလိုမျိုး ဘာအ၀တ်အစားကို ဘာအရောင်ဝတ်မယ်ဆိုတာလောက် သေးမွှားတဲ့ကိစ္စလေးတွေကို အချိန်မပေးခြင်းအားဖြင့် ကိစ္စကြီးတွေကို ဆုံးဖြတ်နိုင်စွမ်းတိုးတက်လာစေပါတယ်။

၎။ ယောင်ခြောက်ဆယ်လုပ်နေတာ
အောင်မြင်သူတိုင်းမှာ ယောင်ခြောက်ဆယ်လုပ်နေစရာ အချိန်မရှိပါဘူး။ သူတို့မှာ တစ်နေ့တာလုပ်ရမယ့် ကိစ္စတွေ အပြည့်ရှိနေတတ်ပါတယ်။ ဒါ့ကြောင့် မနက်ခင်းမှာ ဘာလုပ်ရမယ်မှန်းမသိ ယောင်ခြောက်ဆယ် လုပ်နေတာမျိုး မလုပ်ပါနဲ့။ ဘာလုပ်မယ်၊ ဘယ်သွားမယ် စသဖြင့် လုပ်စရာရှိတာတွေကို တစ်ခုပြီးတစ်ခု လုပ်သွားလိုက်ပါ။

၅။ ည၀တ် အင်္ကျီနဲ့နေတာ
တစ်ချို့တွေက အလုပ်သွားစရာမလိုပဲ အိမ်မှာပဲ အလုပ်လုပ်ရတဲ့သူတွေ ရှိပါတယ်။ အိမ်မှာပဲနေလို့ ည၀တ်အင်္ကျီ ဒါမှမဟုတ် အိမ်နေရင်အ၀တ်အစားနဲ့ နေတာက အလုပ်လုပ်ဖို့ စိတ်အခြေအနေကို နှောင့်နှေးစေနိုင်ပါတယ်။ အိမ်မှာပဲလုပ်ရတယ်ဆိုပေမယ့် အလုပ်သွားသလိုမဟုတ်ရင်တောင် ရေမိုးချိုးပြီး သပ်သပ်ရပ်ရပ်ဝတ်စားလိုက်မယ်ဆိုရင် အလုပ်လုပ်ဖို့ စိတ်အားတက်ကြွလာပြီး အလုပ်ပိုပြီးမြောက်စေမှာ ဖြစ်ပါတယ်။

၆။ မနက်စာ မစားတာ
သင့်ရဲ့ စိတ်နဲ့ခန္ဓာ နှစ်ခုစလုံးကို စွမ်းအားပြည့်နေစေဖို့အတွက် မနက်စာကို သေချာစားဖို့ လိုပါတယ်။ လူအများစုက မနက်စာကို မစားကြပဲ နေ့လည်စာကို အလွန်အကျွံစားတတ်ကြပါတယ်။ ဒီလိုမဖြစ်စေပဲ သင့်ရဲ့တစ်နေ့တာကို အဟာရဓာတ်ပြည့်ဝပြီး ကျန်းမာရေးနဲ့ ညီညွတ်တဲ့ အသီးအနှံတွေ၊ အရွက်တွေ စားသုံးပြီး အစပြုမယ်ဆိုရင် အလုပ်လုပ်ဖို့အတွက် ခွန်အားအပြည့်ရှိနေစေမှာဖြစ်ပါတယ်။

၇။ အလုပ်ကို တန်းသွားတာ
အိပ်ရာကနိုးတာနဲ့ ရေမိုးချိုး အ၀တ်အစားလဲပြီး အလုပ်တန်းသွားတာက မကောင်းတဲ့အကျင့်တစ်ခု ဖြစ်ပါတယ်။ မနက်ခင်းမှာ အီးမေးလ်တွေစစ်ဖို့၊ မိသားစုနဲ့ မနက်စာစားဖို့ ဒါမှမဟုတ် လေ့ကျင့်ခန်းလုပ်ဖို့ အချိန်ပေးနိုင်မယ်ဆိုရင် စိတ်ကို ကြည်လင်စေပြီး တစ်နေ့တာကို လန်းဆန်းတက်ကြွစွာ စတင်နိုင်မှာ ဖြစ်ပါတယ်။

၈။ အလုပ်သွားဖို့ ညည်းညူနေတာ
အောင်မြင်သူတိုင်းက မနက်ခင်းမှာ အလုပ်လုပ်ဖို့ စိတ်အားထက်သန်သူတွေ ဖြစ်ကြပါတယ်။ ဘယ်အချိန်ပဲ ဖြစ်ဖြစ်၊ သွားရလာရတာ ဘယ်လောက်ပဲခက်ခက်၊ တစ်နေ့တာကို အပြုသဘောဆောင်တဲ့ အမြင်နဲ့ ကြည့်တတ်ဖို့ အောင်မြင်ခြင်းရဲ့ နိဒါန်းပါပဲ။ အိပ်ရာက မထချင်ထချင်နဲ့ ထပြီး၊ အလုပ်ကို မသွားချင်ပဲ သွားနေရတယ်ဆိုရင် သင့်ရဲ့တစ်နေ့တာက အစကောင်းမှာမဟုတ်ပါဘူး။

၉။ သဘာဝကို ဆန့်ကျင်တာ
တစ်ချို့လူတွေက စောစောအိပ်ပြီး စောစောထတတ်သူတွေပါ။ တစ်ချို့ကတော့ ညဥ့်နက်တဲ့အထိ အလုပ်လုပ်ပြီး နောက်ကျမှထတတ်ကြပါတယ်။ သင်က ဘယ်အမျိုးအစားထဲမှာပါလဲ ဆန်းစစ်ပါ။ သင့်သဘာဝအတိုင်း လုပ်ဆောင်နိုင်မှ အကျိုးရှိမှာဖြစ်ပါတယ်။ သင့်ရဲ့ ရည်မှန်းချက်တွေကို အကောင်အထည်ဖော်လုပ်ဆောင်ဖို့ ဘယ်အချိန်တွေက သင့်အတွက် အကောင်းဆုံးဖြစ်မလဲဆိုတာကို စီစဉ်တတ်ဖို့ အရေးကြီးပါတယ်။

မိန်းကလေးတိုင်း တောင့်တပြီး ယောင်္ကျားလေးတိုင်း အားကျစေမည့်
Gentleman Magazine

++++++++++++++++++++++++++++++++++++++++++++++++++++++++++++++++++