ကိုယ္ရည္ကိုယ္ေသြး တိုးတက္ေစႏိုင္မည့္ နည္းလမ္း (၁၀)

(Zawgyi)

သင့္ရဲ႕ ကိုယ္ရည္ကိုယ္ေသြးကို တိုးတက္လာေအာင္ ျပဳျပင္ယူလို႔ ရပါတယ္။ ကိုယ္ရည္ကိုယ္ေသြးဆိုတာကေတာ့ လူတစ္ေယာက္ကို အျခားသူေတြနဲ႔ ကြဲျပားျခားနားသြားေစတဲ့ စဥ္းစားပံု၊ ခံစားပံုနဲ႔ အျပဳအမူေတြကို ျခံဳေျပာတဲ့ စကားလံုးျဖစ္ပါတယ္။ ကိုယ္ရည္ကိုယ္ေသြးေကာင္းတယ္လို႔ ေျပာတာဟာ လူတစ္ေယာက္ဟာ ႏွစ္လိုဖြယ္ရာျဖစ္တယ္၊ စိတ္၀င္စားစရာေကာင္းတယ္ သူနဲ႔ ခင္မင္ရင္းႏွီးခ်င္စိတ္ျဖစ္တယ္လို႔ ဆိုလိုတာပဲ ျဖစ္ပါတယ္။ လူတိုင္းဟာ အျခားသူေတြကို ဆြဲေဆာင္လိုစိတ္ရွိၾကပါတယ္။ ဒီအတြက္ ေကာင္းမြန္ျပည့္စံုတဲ့ ကိုယ္ရည္ကိုယ္ေသြးရွိဖို႔ အေရးႀကီးပါတယ္။ ဒါ့ေၾကာင့္ သင့္ရဲ႕ ကိုယ္ရည္ကိုယ္ေသြးကို တိုးတက္ေစႏိုင္မယ့္ နည္းလမ္း (၁၀)ခုကို ေဖာ္ျပလိုက္ပါတယ္။

၁။ နားေထာင္တတ္သူ ျဖစ္ပါေစ။
လူတစ္ဖက္သား စကားေျပာေနခ်ိန္မွာ ေသခ်ာအေလးအနက္ထားၿပီး နားေထာင္တာဟာ လူခ်စ္လူခင္မ်ားေစတဲ့ အခ်က္တစ္ခုပဲျဖစ္ပါတယ္။ တစ္ဖက္လူရဲ႕ မ်က္လံုးထဲကို ၾကည့္မယ္၊ စကားလံုးတိုင္းကို ေသခ်ာနားေထာင္ၿပီ သူတို႔ကို အေရးႀကီးတယ္လို႔ ခံစားသြားရေအာင္ နားေထာင္တတ္ဖို႔ လိုပါတယ္။ သင္ေျပာတဲ့စကားကို ဂ႐ုတစိုက္ အေရးတယူနားေထာင္ေနတာေလာက္ သင့္ကိုယ္သင္ ေက်နပ္မိတာရွိမွာမဟုတ္ပါဘူး။ ဒီလိုပဲ သူမ်ားေတြ စကားေျပာတဲ့အခါမွာလည္း ဂ႐ုတစိုက္နားေထာင္ပါ။

၂။ စာမ်ားမ်ားဖတ္ပါ။ စိတ္၀င္စားမႈ နယ္ပယ္ကို ျဖန္႔က်က္ပါ။
စာမ်ားမ်ားဖတ္ေလေလ စိတ္၀င္စားစရာအသစ္ေတြကို ေတြ႕ရွိေလပဲ ျဖစ္ပါတယ္။ တျခားသူေတြအတြက္လည္း သင္က ပိုၿပီးစိတ္၀င္စားစရာေကာင္းလာမွာပါ။ သင္မွာ အသိပညာဗဟုသုတမ်ားမ်ားရွိမယ္ဆိုရင္ ဘယ္သူနဲ႔မဆို စိတ္၀င္စားစရာအေၾကာင္းအရာေတြကို အျပန္အလွန္ဖလွယ္ေဆြးေႏြးႏိုင္ပါတယ္။

၃။ စကားေျပာေကာင္းသူ ျဖစ္ပါေစ။
ဒီအခ်က္ကလည္း သင္ စာဘယ္ေလာက္ဖတ္ထားလဲ၊ ဘယ္ေလာက္ဗဟုသုတ ၾကြယ္၀လဲဆိုတာနဲ႔ သက္ဆိုင္ပါတယ္။ အေၾကာင္းရွိလို႔ စကားေျပာရေတာ့မယ္ဆိုရင္ အျခားသူေတြနဲ႔ ဘယ္လိုဘယ္ပံု ေျပာဆိုမယ္ဆိုတာကို ေလ့လာပါ။ ဘယ္သူကမွ အရာအားလံုးကို သိတာမဟုတ္ပါဘူး။ ဒါ့ေၾကာင့္ သင္ မသိေသးတဲ့အေၾကာင္းအရာေတြကိုလည္း အျခားသူေတြဆီက နားေထာင္ေလ့လာပါ။

၄။ ထင္ျမင္ခ်က္တစ္ခု ရွိပါေစ။
အေၾကာင္းကိစၥတစ္ခုခုနဲ႔ပတ္သက္ၿပီး ဘာထင္ျမင္ခ်က္၊ ဘာအယူအဆမွ မရွိတဲ့သူေတြနဲ႔ စကားေျပာရတာေလာက္ ပင္ပန္းတာမရွိပါဘူး။ ေျပာေနတဲ့စကားက ဦးတည္ခ်က္မရွိျဖစ္ေနတတ္ပါတယ္။ သင့္အေနနဲ႔ ဘယ္ကိစၥကိုမဆို မတူညီတဲ့အျမင္ပဲျဖစ္ျဖစ္၊ တူညီတဲ့အျမင္ပဲျဖစ္ျဖစ္ တစ္ခုခုရွိေနၿပီး အလုိက္အထိုက္ ျပန္လည္ေျပာဆိုႏိုင္မွ လူမႈဆက္ဆံေရး ေအာင္ျမင္ႏိုင္မွာ ျဖစ္ပါတယ္။

၅။ လူသစ္ေတြနဲ႔ ေတြ႔ဆံုပါ။
ခင္မင္ရင္းႏွီးၿပီးသား လူေတြရွိသလို ေနာက္ထပ္ မိတ္သစ္ေဆြသစ္ေတြ ရဖို႔အတြက္လည္း လူသစ္ေတြနဲ႔ ေတြ႕ဆံုရမွာ ျဖစ္ပါတယ္။ ဒီလိုေတြ႕ဆံုတာဟာ မတူညီတဲ့အရာေတြကို သိရွိလာေစႏိုင္ၿပီး သင့္ရဲ႕ လူမႈဆက္ဆံေရးနယ္ပယ္ကို တိုးခ်ဲ႕ရာလည္း ေရာက္ပါတယ္။

၆။ ကိုယ့္ကိုယ္ကိုယ္ သိရွိလက္ခံပါ။
ေနာက္ထပ္ အေလးထားစရာတစ္ခုကေတာ့ သင္ မဟုတ္တဲ့ ပံုစံတစ္ခုကို ပံုေဖာ္ဖို႔ ႀကိဳးစားတာပဲျဖစ္ပါတယ္။ ဒီလိုမျဖစ္ေစပဲ သင့္ရဲ႕ ပင္ကိုယ္ပံုစံအတိုင္းပဲ ေနထိုင္ၿပီး လက္ခံႏိုင္ေအာင္ ႀကိဳးစားပါ။ ကၽြန္ေတာ္တို႔ အားလံုးဟာ ကြဲျပားျခားနားၾကပါတယ္။ ဒီလိုကြဲျပားျခားနားမႈကပဲ စိတ္၀င္စားစရာျဖစ္ေစတာပါ။ ဒါ့ေၾကာင္ သင္အထင္ႀကီးတဲ့ အျခားတစ္ေယာက္ရဲ႕ ပံုစံကို လိုက္တုပတာက သင့္ရဲ႕ စစ္မွန္မႈေပ်ာက္ဆံုးသြားတာပဲ ျဖစ္ပါတယ္။

၇။ အျပဳသေဘာေဆာင္တဲ့ အျမင္နဲ႔ စိတ္ေနသေဘာထားရွိပါ။
အဆိုးျမင္စိတ္ရွိၿပီး၊ ညည္းျငဴတတ္သူတစ္ေယာက္နားမွာ ဘယ္သူမွ ေနခ်င္မွာမဟုတ္ပါဘူး။ တကယ္ဆိုရင္ ဒီလိုလူမ်ိဳး လာၿပီဆိုတာနဲ႔ လြတ္ရာကို ေရွာင္ထြက္တတ္ၾကပါတယ္။ ဒီလိုျဖစ္မယ္အစား သင္လာတာနဲ႔ အခန္းထဲက လူေတြေပ်ာ္ရႊင္သြားေစမယ့္ လူမ်ိဳး ျဖစ္သင့္ပါတယ္။ ဒီလိုလူမ်ိဳး ျဖစ္ဖို႔အတြက္ အျခားသူေတြနဲ႔ အရာ၀တၳဳေတြရဲ႕ အေကာင္းဆံုးအခ်က္ေတြကိုပဲ ရွာၾကည့္ပါ။ ေႏြးေထြးစြာ ျပံဳးပါ၊ အေပ်ာ္ေတြကူးစက္ပါေစ၊ သင္ရွိေနတာေၾကာင့္ အျခားသူေတြ ေပ်ာ္ေနပါေစ။

၈။ ေပ်ာ္စရာေတြ ရွာတတ္ၿပီး ဘ၀ကို ေပ်ာ္ေပ်ာ္ျဖတ္သန္းတတ္ပါေစ။
သူတို႔ကို ရယ္ေမာေပ်ာ္ရႊင္ရေအာင္ ဒါမွမဟုတ္ ျပံဳးရေအာင္ လုပ္ႏိုင္သူကို လူေတြက သေဘာက်ႏွစ္သက္တတ္ၾကပါတယ္။ ဒါ့ေၾကာင့္ ဘယ္အေျခအေနပဲျဖစ္ျဖစ္ စိတ္လက္ေပါ့ပါးၿပီး ရယ္စရာေကာင္းတဲ့အခ်က္ေတြကို ရွာေဖြပါ။ ထိုင္းမႈိင္းေလးလံေနတဲ့ အေျခအေနတစ္ခုကို သြက္လက္လန္းဆန္းလာေအာင္ လုပ္ေပးႏိုင္မယ္ဆိုရင္ သင့္အနားကို လူေတြအလိုလုိ ဆြဲေဆာင္ၿပီးသား ျဖစ္မွာပါ။

၉။ တဖက္သားကို ကူညီတတ္ပါေစ။
ကူညီတတ္ျခင္းက သင့္ရဲ႕ ကိုယ္ရည္ကိုယ္ေသြးကို အေကာင္းဆံုးထုတ္ေဖာ္ျပသႏိုင္တဲ့ အခ်က္တစ္ခု ျဖစ္ပါတယ္။ အျခားဘယ္သူကိုမဆို လိုအပ္ေနခ်ိန္တိုင္းမွာ တတ္ႏိုင္သေလာက္ ကူညီတတ္ပါေစ။ ကၽြန္ေတာ္တို႔ အားလံုးက အားေပးကူညီတတ္တဲ့သူ၊ ကၽြန္ေတာ္တို႔ကို ယုံၾကည္တဲ့သူ၊ စိတ္ဓာတ္က်ေနခ်ိန္မွာလည္း ကၽြန္ေတာ္တို႔ဖက္က ရပ္တည္ေပးႏိုင္တဲ့သူကို ခ်စ္ခင္ေလးစားတတ္ၾကပါတယ္။

၁၀။ ႐ိုးသားေျဖာင့္မတ္ၿပီး လူတိုင္းကို ေလးစားသမႈနဲ႔ ဆက္ဆံပါ။
႐ိုးသားမႈရွိၿပီး စကားတည္ျခင္းက သင့္ကို လူအမ်ားက ခ်စ္ခင္ေလးစား တန္ဖိုးထားေစတဲ့ အေၾကာင္းတစ္ခုျဖစ္ပါတယ္။ ႐ိုးသားေျဖာင့္မတ္ျခင္းနဲ႔ ကိုယ့္ကိုယ္ကိုယ္ေရာ အျခားသူေတြကိုပါ ႐ိုေသေလးစားျခင္းက လူတစ္ေယာက္ရဲ႕ ကိုယ္ရည္ကိုယ္ေသြးကို အျမင့္မားဆံုးတိုးတက္ေစႏိုင္ပါတယ္။

ကၽြန္ေတာ္တို႔ လူသားအားလံုးမွာ ကိုယ္ရည္ကိုယ္ေသြးကို ပံုေဖာ္ႏိုင္တဲ့ စြမ္းအားနဲ႔ အရည္အခ်င္းရွိၾကပါတယ္။ ကၽြန္ေတာ္တို႔ရဲ႕ ကိုယ္ရည္ကိုယ္ေသြးကို အေကာင္းဆံုး ပံုေဖာ္ႏိုင္ၿပီးဆိုတာနဲ႔ ကိုယ္တိုင္လည္း ေပ်ာ္ရႊင္ရႏိုင္သလို အျခားသူေတြရဲ႕ ေပ်ာ္ရႊင္မႈကိုလည္း ေဆာင္ယူလာႏိုင္မွာ ျဖစ္ပါတယ္။

[sg_popup id=6]

မိန္းကေလးတိုင္း ေတာင့္တၿပီး ေယာကၤ်ားေလးတိုင္း အားက်ေစမည့္
Gentleman Magazine

++++++++++++++++++++++++++++++++++++++++++++++++++++

ကိုယ်ရည်ကိုယ်သွေး တိုးတက်စေနိုင်မည့် နည်းလမ်း (၁၀)

(Unicode)

သင့်ရဲ့ ကိုယ်ရည်ကိုယ်သွေးကို တိုးတက်လာအောင် ပြုပြင်ယူလို့ ရပါတယ်။ ကိုယ်ရည်ကိုယ်သွေးဆိုတာကတော့ လူတစ်ယောက်ကို အခြားသူတွေနဲ့ ကွဲပြားခြားနားသွားစေတဲ့ စဉ်းစားပုံ၊ ခံစားပုံနဲ့ အပြုအမူတွေကို ခြုံပြောတဲ့ စကားလုံးဖြစ်ပါတယ်။ ကိုယ်ရည်ကိုယ်သွေးကောင်းတယ်လို့ ပြောတာဟာ လူတစ်ယောက်ဟာ နှစ်လိုဖွယ်ရာဖြစ်တယ်၊ စိတ်ဝင်စားစရာကောင်းတယ် သူနဲ့ ခင်မင်ရင်းနှီးချင်စိတ်ဖြစ်တယ်လို့ ဆိုလိုတာပဲ ဖြစ်ပါတယ်။ လူတိုင်းဟာ အခြားသူတွေကို ဆွဲဆောင်လိုစိတ်ရှိကြပါတယ်။ ဒီအတွက် ကောင်းမွန်ပြည့်စုံတဲ့ ကိုယ်ရည်ကိုယ်သွေးရှိဖို့ အရေးကြီးပါတယ်။ ဒါ့ကြောင့် သင့်ရဲ့ ကိုယ်ရည်ကိုယ်သွေးကို တိုးတက်စေနိုင်မယ့် နည်းလမ်း (၁၀)ခုကို ဖော်ပြလိုက်ပါတယ်။

၁။ နားထောင်တတ်သူ ဖြစ်ပါစေ။
လူတစ်ဖက်သား စကားပြောနေချိန်မှာ သေချာအလေးအနက်ထားပြီး နားထောင်တာဟာ လူချစ်လူခင်များစေတဲ့ အချက်တစ်ခုပဲဖြစ်ပါတယ်။ တစ်ဖက်လူရဲ့ မျက်လုံးထဲကို ကြည့်မယ်၊ စကားလုံးတိုင်းကို သေချာနားထောင်ပြီ သူတို့ကို အရေးကြီးတယ်လို့ ခံစားသွားရအောင် နားထောင်တတ်ဖို့ လိုပါတယ်။ သင်ပြောတဲ့စကားကို ဂရုတစိုက် အရေးတယူနားထောင်နေတာလောက် သင့်ကိုယ်သင် ကျေနပ်မိတာရှိမှာမဟုတ်ပါဘူး။ ဒီလိုပဲ သူများတွေ စကားပြောတဲ့အခါမှာလည်း ဂရုတစိုက်နားထောင်ပါ။

၂။ စာများများဖတ်ပါ။ စိတ်ဝင်စားမှု နယ်ပယ်ကို ဖြန့်ကျက်ပါ။
စာများများဖတ်လေလေ စိတ်ဝင်စားစရာအသစ်တွေကို တွေ့ရှိလေပဲ ဖြစ်ပါတယ်။ တခြားသူတွေအတွက်လည်း သင်က ပိုပြီးစိတ်ဝင်စားစရာကောင်းလာမှာပါ။ သင်မှာ အသိပညာဗဟုသုတများများရှိမယ်ဆိုရင် ဘယ်သူနဲ့မဆို စိတ်ဝင်စားစရာအကြောင်းအရာတွေကို အပြန်အလှန်ဖလှယ်ဆွေးနွေးနိုင်ပါတယ်။

၃။ စကားပြောကောင်းသူ ဖြစ်ပါစေ။
ဒီအချက်ကလည်း သင် စာဘယ်လောက်ဖတ်ထားလဲ၊ ဘယ်လောက်ဗဟုသုတ ကြွယ်ဝလဲဆိုတာနဲ့ သက်ဆိုင်ပါတယ်။ အကြောင်းရှိလို့ စကားပြောရတော့မယ်ဆိုရင် အခြားသူတွေနဲ့ ဘယ်လိုဘယ်ပုံ ပြောဆိုမယ်ဆိုတာကို လေ့လာပါ။ ဘယ်သူကမှ အရာအားလုံးကို သိတာမဟုတ်ပါဘူး။ ဒါ့ကြောင့် သင် မသိသေးတဲ့အကြောင်းအရာတွေကိုလည်း အခြားသူတွေဆီက နားထောင်လေ့လာပါ။

၄။ ထင်မြင်ချက်တစ်ခု ရှိပါစေ။
အကြောင်းကိစ္စတစ်ခုခုနဲ့ပတ်သက်ပြီး ဘာထင်မြင်ချက်၊ ဘာအယူအဆမှ မရှိတဲ့သူတွေနဲ့ စကားပြောရတာလောက် ပင်ပန်းတာမရှိပါဘူး။ ပြောနေတဲ့စကားက ဦးတည်ချက်မရှိဖြစ်နေတတ်ပါတယ်။ သင့်အနေနဲ့ ဘယ်ကိစ္စကိုမဆို မတူညီတဲ့အမြင်ပဲဖြစ်ဖြစ်၊ တူညီတဲ့အမြင်ပဲဖြစ်ဖြစ် တစ်ခုခုရှိနေပြီး အလိုက်အထိုက် ပြန်လည်ပြောဆိုနိုင်မှ လူမှုဆက်ဆံရေး အောင်မြင်နိုင်မှာ ဖြစ်ပါတယ်။

၅။ လူသစ်တွေနဲ့ တွေ့ဆုံပါ။
ခင်မင်ရင်းနှီးပြီးသား လူတွေရှိသလို နောက်ထပ် မိတ်သစ်ဆွေသစ်တွေ ရဖို့အတွက်လည်း လူသစ်တွေနဲ့ တွေ့ဆုံရမှာ ဖြစ်ပါတယ်။ ဒီလိုတွေ့ဆုံတာဟာ မတူညီတဲ့အရာတွေကို သိရှိလာစေနိုင်ပြီး သင့်ရဲ့ လူမှုဆက်ဆံရေးနယ်ပယ်ကို တိုးချဲ့ရာလည်း ရောက်ပါတယ်။

၆။ ကိုယ့်ကိုယ်ကိုယ် သိရှိလက်ခံပါ။
နောက်ထပ် အလေးထားစရာတစ်ခုကတော့ သင် မဟုတ်တဲ့ ပုံစံတစ်ခုကို ပုံဖော်ဖို့ ကြိုးစားတာပဲဖြစ်ပါတယ်။ ဒီလိုမဖြစ်စေပဲ သင့်ရဲ့ ပင်ကိုယ်ပုံစံအတိုင်းပဲ နေထိုင်ပြီး လက်ခံနိုင်အောင် ကြိုးစားပါ။ ကျွန်တော်တို့ အားလုံးဟာ ကွဲပြားခြားနားကြပါတယ်။ ဒီလိုကွဲပြားခြားနားမှုကပဲ စိတ်ဝင်စားစရာဖြစ်စေတာပါ။ ဒါ့ကြောင် သင်အထင်ကြီးတဲ့ အခြားတစ်ယောက်ရဲ့ ပုံစံကို လိုက်တုပတာက သင့်ရဲ့ စစ်မှန်မှုပျောက်ဆုံးသွားတာပဲ ဖြစ်ပါတယ်။

၇။ အပြုသဘောဆောင်တဲ့ အမြင်နဲ့ စိတ်နေသဘောထားရှိပါ။
အဆိုးမြင်စိတ်ရှိပြီး၊ ညည်းငြူတတ်သူတစ်ယောက်နားမှာ ဘယ်သူမှ နေချင်မှာမဟုတ်ပါဘူး။ တကယ်ဆိုရင် ဒီလိုလူမျိုး လာပြီဆိုတာနဲ့ လွတ်ရာကို ရှောင်ထွက်တတ်ကြပါတယ်။ ဒီလိုဖြစ်မယ်အစား သင်လာတာနဲ့ အခန်းထဲက လူတွေပျော်ရွှင်သွားစေမယ့် လူမျိုး ဖြစ်သင့်ပါတယ်။ ဒီလိုလူမျိုး ဖြစ်ဖို့အတွက် အခြားသူတွေနဲ့ အရာဝတ္ထုတွေရဲ့ အကောင်းဆုံးအချက်တွေကိုပဲ ရှာကြည့်ပါ။ နွေးထွေးစွာ ပြံုးပါ၊ အပျော်တွေကူးစက်ပါစေ၊ သင်ရှိနေတာကြောင့် အခြားသူတွေ ပျော်နေပါစေ။

၈။ ပျော်စရာတွေ ရှာတတ်ပြီး ဘဝကို ပျော်ပျော်ဖြတ်သန်းတတ်ပါစေ။
သူတို့ကို ရယ်မောပျော်ရွှင်ရအောင် ဒါမှမဟုတ် ပြံုးရအောင် လုပ်နိုင်သူကို လူတွေက သဘောကျနှစ်သက်တတ်ကြပါတယ်။ ဒါ့ကြောင့် ဘယ်အခြေအနေပဲဖြစ်ဖြစ် စိတ်လက်ပေါ့ပါးပြီး ရယ်စရာကောင်းတဲ့အချက်တွေကို ရှာဖွေပါ။ ထိုင်းမှိုင်းလေးလံနေတဲ့ အခြေအနေတစ်ခုကို သွက်လက်လန်းဆန်းလာအောင် လုပ်ပေးနိုင်မယ်ဆိုရင် သင့်အနားကို လူတွေအလိုလို ဆွဲဆောင်ပြီးသား ဖြစ်မှာပါ။

၉။ တဖက်သားကို ကူညီတတ်ပါစေ။
ကူညီတတ်ခြင်းက သင့်ရဲ့ ကိုယ်ရည်ကိုယ်သွေးကို အကောင်းဆုံးထုတ်ဖော်ပြသနိုင်တဲ့ အချက်တစ်ခု ဖြစ်ပါတယ်။ အခြားဘယ်သူကိုမဆို လိုအပ်နေချိန်တိုင်းမှာ တတ်နိုင်သလောက် ကူညီတတ်ပါစေ။ ကျွန်တော်တို့ အားလုံးက အားပေးကူညီတတ်တဲ့သူ၊ ကျွန်တော်တို့ကို ယုံကြည်တဲ့သူ၊ စိတ်ဓာတ်ကျနေချိန်မှာလည်း ကျွန်တော်တို့ဖက်က ရပ်တည်ပေးနိုင်တဲ့သူကို ချစ်ခင်လေးစားတတ်ကြပါတယ်။

၁၀။ ရိုးသားဖြောင့်မတ်ပြီး လူတိုင်းကို လေးစားသမှုနဲ့ ဆက်ဆံပါ။
ရိုးသားမှုရှိပြီး စကားတည်ခြင်းက သင့်ကို လူအများက ချစ်ခင်လေးစား တန်ဖိုးထားစေတဲ့ အကြောင်းတစ်ခုဖြစ်ပါတယ်။ ရိုးသားဖြောင့်မတ်ခြင်းနဲ့ ကိုယ့်ကိုယ်ကိုယ်ရော အခြားသူတွေကိုပါ ရိုသေလေးစားခြင်းက လူတစ်ယောက်ရဲ့ ကိုယ်ရည်ကိုယ်သွေးကို အမြင့်မားဆုံးတိုးတက်စေနိုင်ပါတယ်။

ကျွန်တော်တို့ လူသားအားလုံးမှာ ကိုယ်ရည်ကိုယ်သွေးကို ပုံဖော်နိုင်တဲ့ စွမ်းအားနဲ့ အရည်အချင်းရှိကြပါတယ်။ ကျွန်တော်တို့ရဲ့ ကိုယ်ရည်ကိုယ်သွေးကို အကောင်းဆုံး ပုံဖော်နိုင်ပြီးဆိုတာနဲ့ ကိုယ်တိုင်လည်း ပျော်ရွှင်ရနိုင်သလို အခြားသူတွေရဲ့ ပျော်ရွှင်မှုကိုလည်း ဆောင်ယူလာနိုင်မှာ ဖြစ်ပါတယ်။

မိန်းကလေးတိုင်း တောင့်တပြီး ယောင်္ကျားလေးတိုင်း အားကျစေမည့်
Gentleman Magazine